धनुषाको लक्ष्मीनियाँमा ४ दिने निःशुल्क आँखा शिविर, मोतियाविन्दुको अपरेशन फ्रि

न्यूज ब्यूरो, जनकपुरधाम । धनुषाको लक्ष्मीनियाँ गाउँपालिकामा चारदिने निःशुल्क आँखा चेकजाँच शिविर हुने भएको छ ।

लक्ष्मीनियाँ गाउँपालिकाको आयोजनामा माघ १९ गतेदेखि २३ गतेसम्म हुने शिविरमा आँखाको चेकजाँचसहित उपचार समेत गरिने भएको छ ।

रेयुकाई एई मासुनागा अस्पताल ढल्केवरको प्राविधिक सहयोगमा माघ १९ गते शुक्रबार, २० गते शनिबार, २२ गते सोमबार र २३ गते मँगलबार शिविर हुनेछ । शिविर विहान ९ बजेदेखि ५ बजेसम्म चल्ने जनाईएको छ ।

माघ १९ गते शुक्रबार स्वास्थ्यचौकी लक्ष्मीपुर बगेबा, माघ २० गते शनिबार सिनुरजोडा स्वास्थ्यचौकी, २२ गते स्वास्थ्यचौकी बनिनियाँ र २३ गते मँगलबार स्वास्थ्यचौकी सपहीमा शिविर हुने लक्ष्मीनियाँ गाउँपालिकाका स्वास्थ्य सँयोजक नरेश कुमार शर्माले जानकारी दिए ।

शिविरमा चेकजाँचको साथै औषधी र मोतियाविन्दु को अप्रेशन समेत निःशुल्क वितरण गरिने जनाईएको छ ।