२ टा नक्कली नोटसहित श्रीमान श्रीमति पक्राउ

न्यूज ब्यूरो, सर्लाही । सर्लाहीमा नक्कली नोटसहित श्रीमान्(श्रीमती पक्राउ परेका छन् । मलंगवा नगरपालिका वडा नम्बर ३ नगरपालिका चोकबाट १ हजार रुपैयाँ दरको २ वटा नक्कली नोटसहित दुई जनालाई मंगलबार राति प्रहरीले पक्राउ गरेको छ ।

पक्राउ पर्नेहरूमा सोही नगरपालिका वडा नम्बर ९ बस्ने नसारु खान र उनकै श्रीमती ३२ वर्षीया नसारा खातुन रहेका छन् ।

उनीहरूले नक्कली नोट लिएर अण्डा किन्ने क्रममा वादविवाद भइरहेको भन्ने खबर प्राप्त हुनासाथ जिल्ला प्रहरी कार्यालय सर्लाहीबाट खटिएको प्रहरीले उनीहरूलाई उक्त नोटसहित पक्राउ गरेको हो ।