मोनाष्टिकमा दुई दिने राष्ट्रिय विद्यार्थी नवप्रवर्तन शिखर सम्मेलन, विद्यार्थीहरुले लगाए व्यापार मेला

न्यूज ब्यूरो, जनकपुरधाम । जनकपुरको शिक्षा क्षेत्रमा एक कदम अगाडी मानिएको जनकपुरको मोनाष्टिक स्कूलले स्कूलभित्रै व्यापार मेलाको अभ्यास गरेको हो ।

विद्यार्थीहरुलाई व्यापारिक ज्ञान आर्जनको लागि उनीहरुले आफैँ बनाएको घरेलु समाग्रीहरुलाई बजार दिन सक्ने अभ्यास गरिएको हो । शुक्रबारदेखि सुरु भएको दुई दिने राष्ट्रिय विद्यार्थी नवप्रवर्तन शिखर सम्मेलनको अन्तिम दिन शनिबार विद्यार्थीहरुले व्यापारिक वस्तुहरु प्रदर्शन गरेका हुन् ।

मोनाष्टिक स्कूलसहित देशभरिको १२ वटा विद्यालयलमा अध्ययनरत विद्यार्थीहरुले आफैँले बनाएको वस्तुहरुलाई बजारीकरण गर्ने अभ्यास गरेको हो । जनकपुरधामको व्यापार मन्द चलिरहेको अवस्थामा अध्ययनरत विद्यार्थीहरुलाई व्यापारिक ज्ञान थपिएको हो ।

एमालेकी नेतृ एवम् धनुषा निर्वाचन क्षेत्र नं. ३ की सँघीय साँसद जुली महतोको प्रमुख आतिथ्य तथा कुशल सुन्दर श्रेष्ठ वीपी एनवाईईएफ एनजीसी र मधेश प्रदेश सभाका सांसद दीपेन्द्र ठाकुरको विशेष आतिथ्यमा विद्यार्थीहरुले बनाएको बजार समाग्रीको अनुमगन गरिएको विद्यालयका निर्देशक डा. सोनु कुमारले जानकारी दिए ।

मोनाष्टिकले आयोजना गरेको यस्ता कार्यक्रम अन्य विद्यालयहरुले पनि आयोजना गर्नुपर्ने र यस्ता धारणाको विकास हुनुपर्ने नेतृ महतोले बताईन् ।