भोली धनुषाको शहिदनगर नगरपालिका र जनकनन्दिनी गाउँपालिकामा सार्वजनिक विदा

न्यूज ब्यूरो, जनकपुरधाम । भगवान रामको प्राण प्रतिष्ठा हुने भोली सोमबार माघ ८ गते एक दिन धनुषाको शहिदनगर नगरपालिका र जनकनन्दिनी गाउँपालिकामा सार्वजनिक विदा हुने भएको छ ।

शहिदनगर नगरपालिकाका नगर प्रमुख दिनेश प्रसाद यादव र जनकनन्दिनी गाउँपालिकाका अध्यक्ष दिपिनदेव यादवले एक सूचना जारी गर्दै भोली सोमबार स्थानीय विदाको हिसाबले एक दिन सार्वजनिक विदा दिने निर्णय गरेको हो ।

भारतको उत्तर प्रदेश अयोध्यामा हिन्दु धर्मावलम्बीहरुको मर्यादा पुरुषोत्तम भगवान रामको गृह प्रवेश हुन लागेको उमँलगे एक दिन सार्वजनिक विदा दिएको हो । भोली सोमबार घर वरपर सरसफाई गर्न तथा तथा दिपावलीको तयारी गर्नको लागि एक दिने विदा दिएको हो ।

झण्डै साढे ५०० बर्षपछि भगवान राम आफ्नो मन्दिरमा पुनः आगमन गर्न लागेको उत्साह विश्वको करोडौँ हिन्दुहरुमा भएको भन्दै दिपावलीको तयारीको लागि र उत्साहको लागि एक दिन सार्वजनिक विदा दिने निर्णय गरेको हो ।

यद्यपी, स्वास्थ्य सँस्थाहरुमा विदा नगर्न अनुरोध समाजिक सँजाल माफर्त गरिएको छ ।