राम मन्दिरको प्राण प्रतिष्ठाः क्षीरेश्वरनाथमा सबै धार्मिक स्थलमा दिपोत्सव गर्न मेयर यादवको आग्रह

न्यूज ब्यूरो, जनकपुरधाम । सनातन धर्मावलम्बीहरुको आस्था एवम् उल्लासको दिन भनिएको माघ ८ गते (२२ जनवरी २०२४) सोमबारको दिन नगरभरि दिपोत्सव गर्न अनुरोध गरिएको छ ।

धनुषाको क्षीरेश्वरनाथ नगरपालिकाका नगर प्रमुख सुखदेव यादवले एक सूचना जारी गर्दै करोडौँ हिन्दु धर्मावलम्बीहरुको आस्थाको केन्द्र रहेको भारत अयोध्याको राम जन्मभूमिमा भगवान रामको प्राण प्रतिष्ठा हुन गइहरहेको भन्दै सो दिन क्षीरेश्वरनाथ नगरपालिकाभरि दिपोत्सव गर्न आग्रह गरेका हुन् ।

सूचनामा नगर प्रमुख यादवले क्षीरेश्वरनाथ नगरपालिकाभित्र रहेको विभिन्न धार्मिक स्थलमा समेत स्थानीयहरुले उपस्थित भई भव्य रुपमा दीपोत्सव गर्न आग्रह गरेका हुन् । जैसी बाबा थान, राजदेवी मन्दिर, क्षीरेश्वरनाथ मन्दिर, दुर्गा मन्दिर लगायतमा दीपोत्सव गर्न आग्रह गरेका हुन् ।