मिर्चैयाका मेयर यादवको सस्तो लोकप्रियताको लागि नक्कली स्टण्ट, गलत सल्लाहमा ट्रोलको शिकार

न्यूज ब्यूरो, सिरहा । सिरहा मिर्चैयाका मेयर श्रवण यादवले अपरिपक्क सल्लाहको शिकार हुँदा समाजिक सँजालमा ट्रोल भएका छन् ।

नगरपालिकाबाटै पासपोर्ट दिने नक्कली र सस्तो स्टण्टबाजीले उनी समाजिक सँजालमा ट्रोल भएका छन् । बुधबार नगरपालिकाबाटै एक व्यक्तिलाई पासपोर्ट दिएर फोटो खिचाएपछि उनी ट्रोलल भएका छन् ।

नेपाल सरकारले राहदानी विभागको वेभसाईट मार्फत नै बायोमेट्रिक बाहेकका अन्य सबै कार्यहरु घरबाटै गर्न मिल्ने सुविधा प्रदान गरेको बेला सोही कार्यलाई नगरपालिकासँग जोडेर सुविधा दिएको भनेपछि ट्रोल भएका छन् । राहदानी विभागले कम्यूटरबाट घरमै बसी बसी आवेदन गर्न सकिने व्यवस्था मिलाएको छ ।

बायोमेट्रिकको लागि मात्र जिल्ला प्रशासन कार्यालय जानुपर्ने अवस्था रहेकोमा बायोमेट्रीक बाहेकका सुविधालाई नगरपालिकासँग गाँसेपछि ट्रोल भएका हुन् ।

बायोमेट्रीक बाहेकका अन्य कार्यहरु समेत घरबाटै गर्न मिल्ने सुविधा हुँदाहुँदै नगरपालिका जानुपर्ने कुनै बाध्यता नै नरहेको छैनन् । पासपोर्टको लागि मुख्य प्रक्रिया नै बायोमेट्रिक रहेकोमा बायोमेट्रिक जिल्ला प्रशासन कार्यालयमै हुने भएपछि के को सुविधा भनेर समाजिक सँजालमा प्रश्न गरिएको छ ।

जिल्ला प्रशासन कार्यालय सिरहाबाट पासपोर्ट मगाएर एक व्यक्तिलाई हस्तान्तरण गर्दै तस्विर खिचाएर सँचार माध्यमहरुमा दिएपछि मेयर यादव ट्रोलको शिकार भएका हुन् । मेयरको यो कार्यलाई सस्तो लोकप्रियता भनिएको छ ।

पासपोर्टको लागि आवेदन र भुक्तानी समेत अनलाईन माध्यमबाट घरबाटै ल्यापटक, कम्प्यूटर वा मोबाईलबाटै गर्न सकिने सुविधा राहदानी विभागले दिएको हो । बायोमेट्रिकको सुविधा नगरपालिकामा ल्याएपछि मात्र सुविधा हुने अवस्थामा बायोमेट्रीक सिडिओ कार्यालयबाटै भएपछि सुविधाको नाममा दुविधा उत्पन्न गराएको भन्दै मेयर यादव ट्रोलको शिकार भएका हुन् ।