जनकनन्दिनी गाउँपालिकामा जाडो विदा थप, सरकारी र बोर्डिङग स्कूल आईतबारदेखि खुल्ने

न्यूज ब्यूरो, जनकपुरधाम । धनुषाको जनकनन्दिनी गाउँपालिकामा जाडो विदा थप गरिएको छ । गाउँपालिकाले बालबालिकाहरुको स्वास्थ्यलाई ध्यान राख्दै नेपाल सरकारले प्रत्येक बर्ष जाडोमा दिँदै आएको एक हप्ते जाडो विदा थप गरिएको हो ।

गाउँपालिकाले गत पुस २४ देखि २९ गतेसम्म विदा दिएको थियो । जाडो झन बढदै गएपछि गाउँपालिकाले विदा थप गरेको हो । मँगलबार, बुधबार र विहिबार गरी तीन दिन विदा थप गरिएको जनाईएको छ ।

जनकनन्दिनी गाउँपालिका अन्तर्गतको समुदायिक विद्यालय र नीजि विद्यालयहरु समेत विदा थप गरेको हो । गाउँपालिकाले विहिबारसम्म विदा दिएपछि शुक्रबार बलिदानी दिवसको अवसरमा सार्वजनिक विदा तथा शनिबार सार्वजनिक विदा नै परेपछि आईतबारदेखि मात्र विद्यालय सँचालन गर्न सूचना प्रकाशित गरेको गाउँपालिका अध्यक्ष दिपिन देव यादवले बताए ।

यादवका अनुसार, बालबालिकाहरुको स्वास्थ्य अवस्थालाई ध्यानमा राख्दै तत्काले जाडो विदा थप गरिएको बताए ।

जनकनन्दिनी गाउँपालिका वडा नं. ४ रेल्वे स्टेशनस्थित रहेको न्यू लाईफ भिजन माध्यमिक विद्यालयले समेत एक सूचना जारी गर्दै गाउँपालिकाको आदेश पालना हुने गरी आईतबारदेखि विद्यालय सँचालन हुने जनाएको छ । विद्यालयका सँस्थापक सुजित कुमार यादवले सूचना जारी गर्दै जाडो विदा थप गरिएको बताए ।