कमला नगरपालिकामा आज विदा

न्यूज ब्यूरो, जनकपुरधाम । पूर्वी धनुषाको कमला नगरपालिकामा आज एक दिनको लागि विदाको घोषणा गरिएको छ ।

कमला नगरपालिका वडा नं. २ की वडा सदस्य एवम् कार्यपालिका सदस्य समेत रहेकी सिरिबति देवी पासवानको असमायिक निधन भएपछि कमला नगरपालिकाले एक दिने शोक विदाको घोषणा गरे अनुसार बुधबार (आज) विदा हुने भएको छ ।

नेपाली काँग्रेसबाट वडा सदस्यमा निर्वाचित पासवान कार्यपालिका सदस्य समेत रहेकी थिइन् । उनी लामो समयदेखि दीर्घरोगी थिईन् । उनको सोमबार राती उपचारको क्रममा निधन भएको कमला नगरपालिकाका मेयर विशेश्वर प्रसाद यादवले जानकारी दिए ।

कार्यपालिका सदस्य भएकोले उनको असमायिक निधनप्रति एक दिने शोक विदा दिइएको मेयर यादवले बताए । आज कमला नगरपालिका अन्तर्गतको सबै समुदायिक सँघ सँस्थाहरु बन्द रहने भएको छ ।