सर्लाहीको बलरामा २०१ जना मोतिबिन्दुका विरामीको निःशुल्क अप्रेशन

न्यूज ब्यूरो, सर्लाही । सर्लाहीका बलरा नगरपालिका वार्ड(९ अचलगढ स्थित प्राथमिक स्वास्थ केन्द्रमा भएको निशुल्क शिविरमा २०१ जना विरामी मोतियाबिन्दुको विरामीको शल्यक्रिया गरिएको छ ।

बलरा नगरपालिकाको आर्थिक सहयोग र हेटौंडा सामुदायिक अँखा अस्पताल तिलगंगाको प्राविधिक सहयोगमा क्टराक्ट प्रोजेक्ट अन्तर्गत निशुल्क आँखा जाँच सहित शल्यक्रिया गरिएको बलरा नगरपालिकाका स्वास्थ शाखा प्रमुख बालकिशोर यादवले जानकारी दिए ।

बलरा नगरपालिकामा बहुसंख्यक व्यक्तिहरूमा मोतियाबिन्दुका समस्या रहेका कारण निशुल्क अँखा शिविर सन्चालन गरिएको बलरा नगरप्रमुख रामाशकर कुशवाहाले बताए ।
गत आर्थिक बर्षमा पनि नगरले ४ वटा शिविर मार्फत ३ सय भन्दा बढीको मोतियाबिन्दुको विरामीको निशुल्क शल्यक्रिया गरेको बताउदै यो पाली पहिलो चरणमै २ सयको हराहरीमा शल्यक्रिया गरिएको जानकारी दिए ।

बलरा नगरपालिकाले आउदो माघ महिनामा दिर्घरोगीहरुलाई लक्षित गरि निशुल्क औषधी सहितको स्वास्थ शिविर सन्चाल गरिने जानकारी गराउदै यस शिविरहरूबाट गरिब, असहाय तथा आर्थिक अवस्था कमजोर भएका सर्वसाधारणले लाभान्वित हुने विश्वास उहाँको रहेको छ ।

विरामीहरुको नाम दर्ता, दृष्टि जाँच, अँखा जाँच, औषधी, चश्मा, रगत जाँच, अँखा तथा शरिरको प्रेसर जाँच लगायत आवश्यक सबै जाँच शिविरमै निशुल्क गरिएको हेटौंडा सामुदायिक आँखा अस्पतालका बाह्र कार्यक्रम संयोजक सुशील कुमार सिंहले जानकारी दिए ।

मोतिबिन्दुको शल्यक्रिया गर्ने विरामीहरुको सबै रिपोर्ट सहि आएपछि मात्र शल्यक्रिया गरिएको छ, उहाँले भने ।हामीले गर्ने शल्यक्रिया उच्च स्तरको गुणस्तरीय व्यवस्थापन सहित रहेको उहाँको दाबी थियो।

शल्यक्रियाका लागि छानिएका सबै विरामीहरुलाई शल्यक्रिया गर्ने कोसिस गर्छौं र बढी भएका विरामीहरुलाई आफनै व्यवस्थापन हेटौंडा लगेर निशुल्क अप्रेशन गरिने प्रतिबद्धता समेत उहाँले व्यक्त गरे ।

शल्यक्रिया पछि अँखाको पटी खोलेपछी आवश्यक औषधी, चश्मा, अँखा सेफ्टी गर्ने समान र कपास शिविरबाट निशुल्क वितरण गरिने बलरा नगरपालिकाले जनाएको छ ।