विद्यालयमध्ये धनुषामा एक मात्र 'न्यू लाईफ भिजन स्कूल' ले मनाए 'तुलसी पूजन दिवस'

न्यूज ब्यूरो, जनकपुरधाम । धनुषााको जनकनन्दिनी गाउँपालिकास्थित रहेको न्यू लाईफ भिजन माध्यमिक विद्यालयले आज तुलसी पूजन दिवस मनाएको छ ।

गत बर्ष समेत तुलसी पूजन दिवस मनाएको विद्यालयले सनातन धर्म, सँस्कृतिको पछिल्ला परम्परालाई जीवन्त राख्न तथा बालबालिकाहरुलाई यसको महत्वबारे बुझाउन तुलसी पूजन दिवस मनाएको विद्यालयका सँस्थापक सुजित कुमार यादवले बताए ।

यादवका अनुसार, परापूर्वकालदेखि २५ डिसेम्बर अर्थात् मार्ग शुक्ल चतुर्थीको दिन तुलसी पूजन दिवस मनाउने दिन भएकोले आयातित परम्परा भन्दा तुलसी पूजन दिवस मनाएको हो ।

१२०० बढी विद्यार्थी रहेको जनकनन्दिनी गाउँपालिका वडा नं. ४ खजुरी रेल्वे स्टेशनस्थित सो विद्यालयले गत बर्षदेखि नै २५ डिसेम्बरको दिन तुलसी पूजन दिवस मनाउन थालेको हो ।

हिन्दु धर्ममा तुलसीको बोटलाई अति पवित्र बोटको रुपमा मानिन्छ । नियमित रुपमा तुलसी पूजा र दर्शनले समस्त पाप नष्ट मान्यता र जनविश्वास रहिआएको छ । घरमा तुलसीको बोट भएपछि त्यहाँ त्रिदेव अर्थात ब्रम्हा, विष्णु र महेश विराजमान हुने धार्मिक विश्वास छ ।

प्रविधिसँगै बढदै गएको कुरिति, कुसँस्कार, गैर परम्पारिक गतिविधिको बीचमा सनातनको परम्परा, महत्वबारे बुझाउन बालबालिकाहरुलाई विद्यालयको ग्राउण्डमा जम्मा गरी तुलसी पूजन गर्दै तुलसी र तुलसी पूजनको महत्वबारे प्रकाश पारिएको थियो ।

विद्यालयमा अध्ययापन गराउने शिक्षिकाहरुले तुलसी पूजनको महत्व, तुलसी पूजनको वैज्ञानिक कारण, लाभ तथा धर्म सँस्कृतिमा तुलसीको महत्व बारे दर्साएको थियो । बालबालिकाहरुलाई घरमा नियमित तुलसी पूजन र दर्शनको लागि समेत आग्रह गर्दै अभिभावकलाई पनि तुलसीको महत्वबारे बुझाउन सिकाईएको थियो ।

तुलसी पूजनको लागि सँस्थापक सुजित यादव, प्रिन्सीपल रवि यादवसहित विद्यालयका शिक्षक शिक्षिका र कर्मचारीहरुले रँगोली बनाउँदै विद्यालय ग्राउण्डमा विधिवत रुपमा पूजाआजा गरी तुलसी पूजन दिवस मनाएको हो ।

धनुषाकै विभिन्न नीजि विद्यालयहरुमा २५ डिसेम्बरलाई क्रिसमस डे को रुपमा मनाईएको बेला न्यू लाईफ भिजन स्कूलले तुलसी पूजन दिवस मनाएको हो । नीजि विद्यालयले धर्म, सँस्कृति, परम्परा जीवन्त राख्न गरेको प्रयासलाई चौतर्फी प्रशँसा गरिएको छ ।