गाई मारेको भन्दै हिन्दु सम्राट सेनाले गरे जनकपुरमा चक्काजाम

न्यूज ब्यूरो, जनकपुरधाम । जनकपुरधाममा गाई मारेको भन्दै हिन्दु सम्राट सेनाले साँझ चक्काजाम गरेको छ ।

आईतबार साँझ जनकपुरको थापाचोकस्थित एक गाईलाई ठक्कर दिएपछि मृत्यू हुँदा पनि सरोकारबालाले चासो नलिएपछि हिन्दु सम्राट सेनाले चक्काजाम गरेको हो ।

थापाचोकमा हिन्दु सम्राट सेनाका जमुना साहको नेतृत्वमा मोटरसाईकल तेर्साएर चक्काजाम गरेको हो । जनकपुरस्थित रहेको मदर टेरेसा पब्लिक स्कूलको बसले गाईलाई ठक्कर दिएपछि घटनास्थलमै मृत्यू भएको हो ।

छाडाचौपाया अन्तर्गत स्कूल बस गईरहेको अवस्थामा रोड क्रस गर्न खोज्दा बसले ठक्कर दिएपछि गाईको मृत्यू भएको हो । मृत्यू भएपनि घण्टौसम्म चोकमा त्यतिकै बेबारिसे छाडेको भन्दै नगरपालिका विरुद्ध नारावाजी गर्दै हिन्दु सम्राट सेनाले चक्काजाम गरेको हो ।

अहिले नगरपालिकाले डोजर पठाएपछि चक्काजाम खुलेको हो ।