एम्बुलेन्सले ठक्कर दिएका युवकको मृत्यू, टोल शोकमग्न

न्यूज ब्यूरो, जनकपुरधाम । शनिबार साँझ एम्बुलेन्सले ठक्कर दिएर गम्भिर घाईते भएका युवकको मृत्यू भएको छ ।

शनिबार साँझ करिब ५ बजे धनुषा जिल्लाको सबैला नगरपालिका वडा नं. ९ मिसराढी र भठिहनको बीचमा एम्बुलेन्सले ठक्कर दिएर गम्भिर घाईते बनेका सबैला नगरपालिका वडा नं. १२ बस्ने विपिन भनिने जय नारायण पालको मृत्यू भएको हो । उनको उपचारको क्रममै अस्पतालमै मृत्यू भएको हो ।

यदुकुहाबाट बीरेन्द्रबजार तर्फ जाँदै गरेको ज १ त १७४५ नम्बर को एम्बुलेन्स बिपरित दिशाबाट जाँदै गरेको मोटरसाइकललाई ठक्कर दिएपछि दुर्घटना भएको थियो जसमा पाललाई गम्भिर चोट लागेको थियो ।

यता ठक्कर दिने एम्बुलेन्स चालक महोतरी मटिहानी १ बस्ने बिरेन्द्र मण्डल ईलाका प्रहरी कार्यालय सबैलाको नियन्त्रणमा रहेको प्रहरीले जनाएको छ ।