कमला नगरपालिकामा सन्तानको ईच्छा पूरा भएका महिलाहरुको लागि स्थायी बन्ध्याकरण शिविर हुँदै

न्यूज ब्यूरो, जनकपुरधाम । पूर्वी धनुषाको कमला नगरपालिकामा सन्तानको ईच्छा पूरा भएका महिलाहरुको लागि स्थायी बन्ध्याकरणको शिविर सँचालन हुने भएको छ ।

आउँदो पुस ९, १० र ११ गते कमला नगरपालिका वडा नं. ९ दुबरकोट स्वास्थ्यचौकीमा शिविर सँचालन हुने स्वास्थ्य शाखा सँयोजक रामकुमार ठाकुरले जानकारी दिए ।

परिवार नियोजन अन्तर्गत महिलाहरुले स्थायी बन्ध्याकरणको लागि निःशुल्क सानो अप्रेशन (छोटी अप्रेशन) गर्न पाउने व्यवस्था मिलाएको हो ।

स्वास्थ्य कार्यालय धनुषाको आयोजना, कमला नगरपालिकाको समन्वयमा तथा सुनौलो परिवार नेपालको सहयोगमा तीनदिने निःशुल्क स्वास्थ्य शिविर चल्ने भएको छ । सन्तानको ईच्छा पुरा भईसकेको महिलाहरुले छोटा अप्रेशन गराउन सकिने जनाएको छ ।

शिविर बिहान ९ बजेदेखि ४ बजेसम्म सँचालन हुने जनाईएको छ ।