कमला नगरपालिकामा माईती नेपालको सचेतना कार्यक्रम

न्यूज ब्यूरो, जनकपुरधाम । पूर्वी धनुषाको कमला नगरपालिकामा १६ दिने लैँगिक हिँसा विरुद्धको सचेतना कार्यक्रम गरिएको छ ।

महिला क्षेत्रमा कार्यरत समाजिक सँस्था माईती नेपालको आयोजना तथा कमला नगरपालिकाको समन्वयमा कमला नगरपालिका वडा नं. २ माचि झिटकैयास्थित सचेतना कार्यक्रम गरिएको हो ।

जनहित माध्यमिका विद्यालयका विद्यार्थी, शिक्षक, शिक्षिकासहित माईती नेपालका प्रतिनीधिहरुले सँयुक्त रुपमा गाउँस्तरमा सचेतनामूलक कार्यक्रम गरेको हो ।

महिला हिँसा बन्द गर, छोरीलाई अनिवार्य विद्यालय पठाऔँ, लैँगिक समानता कायम गरौँ जस्ता नारा लगाउँदै महिला उपर हुने लैँगिक हिँसा विरुद्ध प्लेकार्ड बोकेर सचेतना कार्यक्रम गरेको हो ।

कार्यक्रमको लागि जनकपुरधामस्थित रहेको मेदान्ता क्लीनिक एण्ड रिसर्च सेन्टर प्रा.लि.ले १०० थान टी–सर्ट प्रदान गरी सहयोग गरेको थियो । क्लिनिकका चर्चित चिकित्सक डा. दिग्विजय ठाकुरले सो कार्यक्रमको लागि पहिरन व्यवस्थापन गरेका हुन् ।

कार्यक्रम कमला नगरपालिकाको विभिन्न वडामा गरिएको माईती नेपाल धनुषाका कार्यक्रम सँयोजक पुरुषोत्तम यादवले जनाए ।