प्रहरीचौकी तिनकोरिया गिद्दाको आयोजनामा महिला हिँसा विरुद्धको रैली

न्यूज ब्यूरो, जनकपुरधाम । जिल्ला प्रहरी कार्यालय धनुषा अन्तर्गतको प्रहरी चौकी तिनकोरिया गिद्धाको आयोजनामा महिला हिँसा विरुद्धको चेतनामूलक रैली गरेको छ ।

आईतबार बिहान प्रहरीचौकी गिद्धाको आयोजना तथा विभिन्न सरकारी, समाजिक सँस्थाहरुको समन्वयमा तिनकोरियाचोकदेखि बेलापट्टीसम्म महिलाहरुले चेतनामूलक रैली गरेको हो ।

विदेह नगरपालिका वडा नं. ५,६,७ र ८ मा कार्यरत विभिन्न सँघसँस्थाकी महिलाहरुले १६ दिने महिला हिँसा विरुद्धको अभियानलाई निरन्तरता दिएको हो ।

महिलाहरुले महिला हिँसाको सँकेत, महिला हिँसा, कानुन, दण्ड सजायको बारेमा चेतना फैलाएको हो ।

रैलीको लागि स्थानीय सरकार, जानकी महिला जागरण समाज, सरोकारबाला कार्यालय, प्लान इन्टरनेश्नल, समुदायिक परिवार कल्याण सँघ, समाज विकास अनुसन्धान केन्द्रको समन्वयमा रैली गरिएको हो ।

रैलीको त्रममा सहभागी महिलाहरुले “घरेलु हिँसा बन्द गरौँ, छोरीलाई स्कूल पठाउ, लैगिँक हिँसा बन्द गरौँ,” लगायतका नारासहितको प्लेकार्ड लिएर प्रदर्शन गरेकी हुन् ।