सिरहामा पूर्व–पश्चिम राजमार्गमा चक्काजाम

न्यूज ब्यूरो, सिरहा । सिरहामा पूर्व–पश्चिम राजमार्ग अन्तर्गत मिर्चैयामा चक्काजाम गरिएको छ ।

मिर्चैया नगरपालिका वडा नं. ५ पूर्व पश्चिम राजमार्गमा शिक्षक र विद्यार्थीहरु मिलेर चक्काजाम गरेको हो । मिर्चैयास्थित रहेको मोहन माविका शिक्षकलाई सोही स्थान बस्ने फुलजा मण्डलका छोरा सरोज मण्डलले हातपात गरेको भन्दै विरोधमा चक्काजाम गरेको हो ।

मण्डललाई प्रहरीले नियन्त्रणमा लिएर कानुनी कारवाही गर्न माग गर्दै शिक्षक तथा विद्यार्थीहरु सँयुक्त रुपमा चक्काजाम गरेको हो । करिब २०० सयको सँख्यामा शिक्षक विद्यार्थीहरु राजमार्ग जाम गरेको हो ।

प्रहरीले राजमार्ग खुलाउने प्रयास गरिरहेको छ ।