१६ दिने महिला हिँसा विरुद्धको अभियानमा शान्ती पुर्नस्थापना केन्द्र अग्रसर

न्यूज ब्यूरो, जनकपुरधाम । जनकपुरधामस्थित रहेको शान्ती पुर्नस्थापना केन्द्र नामक समाजिक सँस्थाले महिला हिँसा विरुद्धका १६ दिने अभियानलाई निरन्तरता दिएको छ ।

मँसिर ९ गतेदेखि नै सुरु भएको १६ दिने महिला हिँसा विरुद्धको अभियानलाई शनिबार जनकपुरको न्यू भिजन स्कूलमा रैली गरेको हो । विद्यालयमा चेतनामूलक कार्यक्रम गरी विद्यार्थीहरुमाझ महिला हिँसा र यसको कानुन बारे जानकारी गराएको हो ।

शान्ती पुर्नस्थापना केन्द्र धनुषाका निशिथ कर्णले १६ दिने महिला हिँसा विरुद्धको अभियानलाई सशक्त पार्नको लागि जिल्लाको विभिन्न स्थानमा अन्य विभिन्न कार्यक्रमहरु समेत गरिने बताए । उनले विद्यालयमा बालबालिकाहरुलाई समेत यसबारे जानकारी गराएको बताए ।

विद्यालयका विद्यार्थीहरुलाई एकितृत गरी अभियानको बारेमा विस्तृत जानकारी गराउँदै महिला हिँसाका सँकेतहरुहरु, कारणहरु र कानुनी उपचारको बारेमा समेत जानकारी गराएको कर्णले जानकारी दिए ।