अन्धोको शहर जनकपुरमा डेढ बर्षदेखि छटपटाउँदै एक गाई, अप्रेशनको लागि नगरलाई छैन मतलव

न्यूज ब्यूरो, जनकपुरधाम । धार्मिक नगरी भनेर चिनिने मधेश प्रदेशको राजधानी जनकपुरधाममा विगत डेढ बर्षदेखि एक गाई पीडादायी जीवन बिताईरहँदा जनकपुरवासीले वेवास्ता गर्दै आएका छन् ।

पीडारीचोकदेखि रामानन्दचोकको बीचमा विगत डेढ बर्षदेखि एक गाईको गुप्ताँग (आँग) खसेर पीडादायी जीवन बिताइरहँदा जनकपुरधाम उपमहानगरपालिकाले अन्धोपनको नाटक गरेको देखिएको छ ।

अति व्यस्त चौक मानिने रामानन्दचोक र पीडारीचोककै बीचमा बनाईएको गार्डेनमा लथालिँग परेकी एक गाईलाई उपचारको जिम्मेवारी नगरपालिकाको भएपनि नगरले अन्धोपनको नाटक गरेको हो ।

सो बीचमा एक पशु चिकित्सकले गाईको अवस्था हेरेपछि हृदय छिया छिया भएको महसुस भएको सुनाए । जनकपुरस्थित पशु चिकित्सक डा. सरोज कुमार यादवले आफू गाईको अवस्था हेरेपछि हृदयविदारक लागेको बताए ।

उनले आफू गाईलाई तेस्रो पटक देखेपछि अहिलेसम्म उपचार नभएको बताउँदै नगरपालिकाले अनुमति दिए गाईको अप्रेशन गरी निको पार्ने बताए । उनले नगरपालिकाको अनुमति बिना गाईको अप्रेशन गर्न नमिल्ने बताउँदै नगरपालिकाले सम्पर्क मात्र गरे आफू निःशुल्क अप्रेशनको लागि तयार रहेको बताए ।

न्यूज ब्यूरोसँग सम्पर्क गरी चिकित्सक यादवले गाईको अवस्था हेरेपछि उपचार अभावमा विगत डेढ बर्षदेखि नर्कीय जीवन बिताईरहेको बताए । उनले नगरपालिकाको तर्फबाट एक अधिकारीले अनुमति दिए अप्रेशन गरी निको पारेर समान्य जीवन बनाउने दाबी गरे ।

बँगलादेश, थाईल्याण्ड, भारतबाट सर्जरी पढेका डा. यादवले आफ्नो सम्पर्क नम्बर ९८०६०२०२१७, ९८४४०२८५६१ मा सम्पर्क गरिए अप्रेशन गर्ने बताए । उनले अप्रेशनकै लागि अनुमति खोज्दै सम्पर्क नम्बर जारी गरेका छन् । उनले नगरपालिकाको न्यून्तम संवेदनशिलता अपनाउन आग्रह गरे ।