डेरीमा चोरी, दुई चोर पक्राउ

न्यूज ब्यूरो, जनकपुरधाम । धनुषामा गएराती एक डेरी उद्योगमा चोरी भएको छ । धनुषाको विदेह नगरपालिका वडा नं. २ स्कूल चोकस्थित रहेको डेरीमा चोरी भएको हो ।

चोकमा रहेको दुवाशा लक्ष्मी डेरी उधोगमा चोरी भएको प्रहरीले जनाएको छ । डेरीको झ्याल फोडि तीस हजार रुपैयाँ चोरी गरि दुई चोर पक्राउ परेको छ ।

पक्राउ पर्ने विदेह नगरपालिका वडा नम्बर ३ कर्माहीका १८ बर्षको अजय मण्डल र २० बर्षको बिरेन्द्र कुमार राय रहेका छन् । उनीहरुलाई दुहवी प्रहरीले पक्राउ गरि जिल्ला प्रहरी कार्यालय धनुषा पठाएको हो ।