हरेक क्षेत्रलाई समेटी विकास गर्नु आवश्यकः नेता ढुंगाना 

न्यूज ब्यूरो, जनकपुरधाम । धनुषा जिल्लाको नमुना समुदायिक विद्यालय मावि गिद्धा बेलापट्टिमा होस्टेल र क्यान्टीन सँचालनमा आएको छ । 

दुर दराजबाट विद्यालयमा अध्ययन अध्ययापनको लागि आउने गरिब, विपन्न विद्यार्थीहरुले मोटो रकम तिरेर डेरा बस्नुपर्ने बाध्यतालाई अन्त्य गर्दै होस्टेल सँचालनमा ल्याएको हो । यसको साथै टिफिन समयमा विद्यालय परिसरभन्दा बाहिर गएर खाजा खानुपर्ने बाध्यतालाई समेत अन्त्य गर्दै विद्यालयभित्रै क्यान्टीन सँचालनमा आएको हो । 

सोमबार एक समारोहबीच विदेह नगरपालिकाका मेयर बेचन दास र प्रमुख प्रशासकीय अधिकृत सँजीव साहले होस्टेल (छात्रावास) र क्यान्टीन (चमेनागृह) को उदघाटन गरेका हुन् । 

विद्यालय व्यवस्थापन समितिका अध्यक्ष एवम् विदेह नगरपालिका वडा नं. ५ का वडाध्यक्ष देवेन्द्र गोईत यादवको अध्यक्षता तथा नगर प्रमुख दासको प्रमुख आतिथ्यमा छात्रावास र चमेनागृहको उदघाटन गरिएको हो । 

शैक्षिक क्रान्तीमा नयाँ आयाम थप्दै समुदायिक विद्यालयमै सात्विक शिक्षा सम्भव छ भनेर प्रमाणित गरेर देखाएका विद्यालयका प्रधानाध्यापक पवन मण्डलले गरिव, विपन्न, पिछडिएका वर्ग समुदायका बालबालिकाहरुको सुविधालाई ध्यानमा राखी छात्रावासलाई मूर्तरुप दिन सफल भएका हुन् ।

“अब कुनै पनि बाहिरका गरीब विद्यार्थीहरुले ४÷५ हजारको घर भाडा तिरेर डेरा बस्नुपर्ने छैन। करीब पाँच सय छात्रहरुको वास वस्न सकिने सुविधा सम्पन्न छात्रावास सँचालन भएको छ । वाहिरका विद्यार्थीहरुलाई छात्रावासमा आउन सूचना समेत प्रकाशन भईसकेकोले समय मै फारम भरी छात्रावासमा बस्न सकिने व्यवस्था मिलाईएको छ ।”– प्रअ मण्डलले भने । 

प्रअ मण्डलले विद्यालय परिवारले विद्यालयमा नै संचालित निःशुल्क  अंग्रेजी माध्यमको (प्योर वोर्डिङ् स्कुल) स्कूलमा आवासीय रुपमा आफ्ना वालवालिकाहरुलाई विद्यालयमा भर्ना गराउन सकिने बताए ।

छात्रावासमा बस्ने विद्यार्थीहरुलाई छात्रावासको आचार संहिता र दैनिक कार्यतालिकाको आधारमा तथा छात्रावासको वार्डेनको अनुशासनमा राखी पढाईने उनले बताए । 

प्रअ मण्डलले कुनै पनि नीजि बोर्डिँग स्कूलभन्दा उत्तम शिक्षा दिने वाचासहित विद्यार्थीहरुलाई नमाङ्कन गराउन अपिल गरे । 

मधेश प्रदेशको ८ जिल्लामध्ये धनुषाको मावि गिद्धा बेलापट्टि १ नम्बर नमुना विद्यालयमा पर्दछ । बहुमुखी अध्ययन अध्ययापनमा चर्चा हाँसिल गरेको यी विद्यालयमा हजारौँ विद्यार्थी छन् ।