हेडमास्टर साह मृत्यु प्रकरणको उचित छानविन हुनुपर्छः अध्यक्ष मण्डल

न्यूज ब्यूरो, सिरहा । नेपाली काँग्रेस निकट नेपाल तरुण दल सिरहाका सभापति अरबिन्द कुमार मण्डलले प्रधानाध्यापक मृत्यू प्रकरणमा निष्पक्ष छानबिनको माग गरेका छन् ।

सिरहाको गोलबजार नगरपालिका वडा नम्बर ३ स्थित सरस्वती माध्यमिक विद्यालय तेतरिया जमदहका प्रधानाध्यपक संजीव कुमार साह आफ्नै विद्यालयमै पासो लागेको अवस्थामा मृत फेला परेपछि उनले हत्या आशंका जनाउँदै निष्पक्ष छानबिनको माग गरेका हुन् ।

सभापति अरबिन्द मण्डलले उक्त घटना हत्याको आशंका रहेको हुदा सम्बन्धि निकायलाई सत्यतथ्य छानबिन गरि दोषीलाई कार्वाही गर्न एक प्रेस विज्ञिप्त जारी गरेका छन् ।

नेपाल तरुणदल सिरहाले उक्त घटनालाई सत्यतथ्य र निष्पक्ष छानबिन गरि दोषी पत्ता लगाउन सम्बन्धि पक्षलाई आग्रह समेत गरेका हुन ।