नाम मात्रको बडही समाजमा पाँच उपाध्यक्ष, विश्वकर्मा बने अध्यक्ष

न्यूज ब्यूरो, राजविराज । केही बडही जातजातीको छाता सँगठन भनिएको नेपाल बडही समाजमा पाँच पाँच उपाध्यक्ष चयन गरिएको छ ।

मधेश प्रदेशको सप्तरी जिल्ला राजविराजस्थित आईतबार सम्पन्न पाँचौ राष्ट्रिय महाधिवेशनबाट गठन गरिएको नयाँ कार्य समितिमा पाँच पाँच उपाध्यक्ष तोकिएको हो ।

बडही जातीहरुको छाता सँगठन दाबी गर्ने नेपाल बडही समाजले बडहीको हकाधिकार र समाजिक न्यून्तम जिम्मेवारी समेत निर्वाह गर्न नसकेपनि पाँचौ महाधिवेशनबाट नयाँ कार्य समिति चयन गरेको हो ।

नेपाल बडही समाजमा धनुषा जिल्लाबाट तीन जनालाई पदीय जिम्मेवारी तोकिएको हो । जसमध्ये केन्द्रीय महासचिवमा सुरेश ठाकुर बडही, केन्द्रीय उपाध्यक्षमा सरिता ठाकुर, मनोज शर्मा एवम केन्द्रीय सदस्यमा शोभित ठाकुरलाई चयन गरिएको हो ।

बडही जाती उत्थानको उदेश्य राखी गठन गरिएको नेपाल बडही समाजले जातीय हितमा जात सूचिकृत सँशोधन बाहेक न्यून्तम समाजिक जिम्मेवारी समेत बहन गर्न नसकेको बडही समाजकै एक सदस्यले बताए ।

नयाँ कार्य समितिको अध्यक्षमा ओम प्रकाश विश्वकर्मा, वरिष्ठ–उपाध्यक्ष खुशीराम ठाकुर, उपाध्यक्षमा रामदत्त ठाकुर, गंगा प्रसाद शर्मा, सरिता ठाकुर र मनोज शर्मालाई चयन गरिएको हो ।

समितिको महासचिवमा सुरेश ठाकुर बड्ही, सचिवमा महेश कुमार शर्मा, लक्ष्मी सुतिहार र कोषाध्यक्ष राम नारायण शर्मालाई चयन गरिएको हो ।

समितिको सदस्स्यहरुमा राज कुमार शर्मा, रामचन्द्र ठाकुर, अमरेश ठाकुर, तरूण कुमार शर्मा, नथुनी ठाकुर, अमरनाथ ठाकुर, सोभीत ठाकुर, बलराम सुतिहार, अरूण कुमार ठाकुर, कलादेवी शर्मा, बलराम शर्मा, तेज नारायण लगायतलाई चयन गरिएको हो ।