भूकम्प प्रभावित जाजरकोटमा सहयोग गर्न तयारी छौँः मोदी

न्यूज ब्यूरो, जनकपुरधाम । छिमेकी राष्ट्र भारतको प्रधानमन्त्री नरेन्द्र मोदीले भूकम्प प्रभावित जाजरकोटमा सहयोग गर्न तयार रहेको बताएका छन् ।

जाजरकोटमा गएको भूकम्पको क्षतिप्रति प्रधानमन्त्री मोदीले दुःख व्यक्त गर्दै नेपाललाई तत्कालै मदत गर्ने आश्वासन दिएका छन् ।

उनले भारत नेपाली जनताको दुःखको बेला साथमा रहेको बताउँदै हरसम्भव सहयोग गर्ने तयार रहेको बताएका छन् ।

प्रधानमन्त्री मोदीले मृतकप्रति श्रद्धाञ्जली अर्पण गर्दै घाइतेहरुको शीघ्र स्वास्थ्य लाभको कामना गरेका छन् ।

जाजरकोटकोको बारेकोट केन्द्रविन्दु भएर शुक्रबार राति ६.४ म्याग्निच्युडको भूकम्प जाँदा १२८ बढीको मृत्यु भएको छ ।