छठ पर्व मधेशी समुदायको भावनासँग जोडिएको छः मन्त्री साह

न्यूज ब्यूरो, जनकपुरधाम । नेपाल सरकारको संघीय मामिला मन्त्री अनिता देवी साहले मधेशी समुदायको लागि छठ पर्व भावनासँग जोडिएको बताएकी छन् ।

शुक्रबार जनकपुरधाम उपमहानगरपालिका वडा नं. १६ कपिलेश्वरस्थित रहेको कपिलेश्वरनाथ युवा कमिटी द्वारा आयोजित तिहार तथा छठ पर्वको शुभकामना आदान प्रदान कार्यक्रममा बोल्दै मन्त्री साहले छठ पर्व मधेशी समुदायको भावनासँग जोडिएको बताइन् । उनले छठ पर्वमा मधेशी समुदायको हर्षोल्लासले यो पर्वलाई भावनात्क रुपमा लिइएको बताईन् ।

उनले दिनानुदिन छठ जस्तो महान पर्वलाई आधुनिकीकरणको नाममा विकृति तर्फ लैजाँदै गरेकोप्रति दुःख व्यक्त गर्दै पर्वलाई आधुनिकीकरण नगर्न आग्रह गरिन् ।

कपिलेश्वरनाथ युवा कमिटी अध्यक्ष मनोज कुमार साहको अध्यक्षता तथा मन्त्री साहको प्रमुख आतिथ्यमा सम्पन्न भएको शुभकामना आदान प्रदानको क्रममा हिन्दु धर्मावलम्बीहरुको पर्वलाई पौराणिक विधि विधान र निष्ठाले नै मनाउनुपर्ने जोड दिइन् ।

युवा अभियन्ता रजनिश साहको सँयोजकत्वमा आयोजना गरिएको कार्यक्रममा प्रदेश साँसद दिपेन्द्र ठाकुर, पूर्व साँसद परमेश्वर साह, लोसपा सहकारी विभाग प्रमुख सँजय कुमार साह, केन्द्रीय सदस्य सँजय चौधरी विशिष्ट अतिथिको रुपमा सहभागीता जनाएका थिए ।

कार्यक्रममा जनकपुरधाम उपमहानगरपालिका वडा नं १६ वडाअध्यक्ष राम चन्द्र पजियार, जनकपुरधाम उद्योग वाणिज्य संघका अध्यक्ष जितेन्द्र महासेठ, जनकपुर पूर्व वडाअध्यक्ष राम अशिष पजियार, कपिलेश्वरनाथ युवा कमिटी पूर्व अध्यक्ष तुलसी पजियार , सोही क्लबका पूर्वअध्यक्ष सुधिर पँजियारसहित समाजसेवीहरुको समेत उपस्थिति रहेको थियो ।