धनौजीमा डिहबार बाबा कल्याण समिति र विदेशिएका युवाहरुले बनाइदिए अन्जुदेवीको घर

न्यूज ब्यूरो, जनकपुरधाम । धनुषाको धनौजी गाउँपालिकास्थित एक विपन्न परिवारको घर युवाहरुले मिलेर बनाईदिएको छ ।

धनौजी गाउँपालिका वडा नं. ४ तरही टोलस्थित बस्दै आएकी अन्जु देवीलाई स्थानीय डिहबार बाबा कल्याण समिति र वैदेशिक रोजगारीमा रहेका युवाहरुले सहयोग गरी घर बनाईदिएको हो । अन्जुलाई सोमबार एक कार्यक्रमबीच आर्थिक सहयोग समेत गरेको हो ।

समितिले दशैँ, दिपावली तथा छठ पर्वको शुभकाना आदान प्रदानको क्रममा समाजसेवीहरुलाई सम्मान गर्दै अन्जु देवीलाई २० हजार १ सय ५१ रुपैयाँ आर्थिक सहयोग गरेको हो ।

धनौजी ४ मै रहेको ज्ञान ज्योति इङलिस बोर्डिँग स्कुल धनौजीका प्रधानध्यापक दीपेन्द्र कुमार मंडलले १५ हजार रुपैयाँ र ईन्जिनियर छोटु मंडल ५ हजार १५१ रुपैयाँ आर्थिक सहयोग गरेको हो । सोही कार्यक्रम मार्फत गाउँपालिका अध्यक्ष राजकुमार साह ,वडा अध्यक्ष रामशोभित मण्डलले समेत आर्थिक सहयोग सहयोग गर्ने प्रतिवद्धता जाहेर गरेका छन् ।

अति विपन्न अन्जुलाई खान र बस्ने स्थान नभएपछि स्थानीय जनप्रतिनीधि, युवाहरु र समितिले उनलाई सहयोग गरेको हो ।

कार्यक्रममा मन्दिरका पुजारी बाबा बिनोद दास, धनौजी गाउँपालिका अध्यक्षका प्रत्यासी प्रतिनीधि जीवेन्द्र झा र समाजका अगुवा जितेन्द्र मण्डल समेत उपस्थिति जनाएका थिए ।