नवलपरासीमा सशस्त्र प्रहरी ड्युटी भन्दा दशैंको खर्च उठाउनमा व्यस्त

न्यूज ब्यूरो, नवलपरासी । पश्चिम नवलपरासीमा सशस्त्र प्रहरीले तस्करी रोक्न गर्नुपर्ने ड्युटीभन्दा अहिले असुलीमा व्यस्त देखिएको छ । सशस्त्र प्रहरी बलकै सेटिङमा नेपालबाट भारततर्फ र भारतबाट नेपालतर्फ ठूलो मात्रामा तस्करी भईरहँदा दशैँ खर्च उठाएर छाडने गरिएको गुनासो छ ।

सीमानाकामा खटिएका सशस्त्र प्रहरी नै तस्करहरू संग सेटिङ मिलाएर तस्करी संचालन गर्दै आएका छन् ।

अहिलेको समयमा भुजहवा ,पचफेडा ,हरखपुरा नाकाहरू तस्करी गर्नको लागि तस्करहरूको अखाडा बनेको छ ।

भारतबाट भन्सार छलेर ल्याउने लत्ताकपडा, हार्डवेयर, इलेक्ट्रोनिक्स समान, तेल,चिनी ,चावल लगायतका किरानाका सामान र खसीबोका समेत तस्करी हुँदै आएको व्यापारीहरू नै बताउँछन् ।

त्यसैगरी अहिले बसहिया नाकाबाट पनि व्यापक तस्करी भैरहेको छ । केही दिन अगाडी सशस्त्र प्रहरी बोडर आउट पोष्ट विओपी गुठी परसौनीका इन्चार्ज सरूवा भइ नयाँ आएका विओपी प्रमुखले बैदोली , धर्मौली , बसहिया नाकाहरू तस्करीको लागि सुचारू भएको नाम नखोल्ने शर्तमा एक स्थानीयले बताए ।

बोर्डरमा सशस्त्र प्रहरी डिउटी भए पनि तस्करी रोकिनुभन्दा झन् बढेको स्थानीयहरूले बताएका छन् ।

महेशपुरका नेपाल प्रहरी र सशस्त्र प्रहरीकै सेटिङमा कहिलेकाही नाकाबाट नत्र खेतको बाटो भएर तस्करहरुले मोबाईल , कपडा ,किराना लगायतका सामानको तस्करी गर्दै आइरहेका छन् ।

तस्करीको सामान चौकी अगाडिबाट नै तस्करी हुँदै आएको छ । भारततर्फबाट ठूलो मात्रामा नेपालतर्फ लत्ताकपडा, हार्डवेयर, इलेक्ट्रोनिक्स समान, तेल,चिनी , चामल लगायतका किरानाका सामान र खसी बोकासमेत तस्करी हुँदै आएको व्यापारीहरू नै बताउँछन् ।

सानो व्यापारीहरूले दिउँसै समान ओसारपसार गर्छन् भने ठूला व्यापारीहरूले रातभरी लत्ताकपडा, हार्डवेयर, इलेक्ट्रोनिक्स समान, सुर्तीजन्य पदार्थ, तेल, चिनी, र मटर दाना लगायतका किरानाका सामान र खसी बोकासमेत तस्करी गर्ने गरेको पाइएको छ । अहिले नेपालबाट मदिरा,स्याउ, टुथ पेस्ट लगायतका सामानहरू नेपाल पठाउने गरिएका छन ।