रौतहटको कटहरियाका मेयर र एक स्थानीयबीच मन्त्रालयमै कुटाकुट

न्यूज ब्यूरो, जनकपुरधाम । मधेश प्रदेशको रौतहट जिल्लास्थित कटहरिया नगरपालिकाका मेयर र एक स्थानीयबीच मन्त्रालयमै कुटाकुट भएको छ ।

कटहरिया नगपालिकाका मेयर अजय प्रकाश जयशवाल र सोही नगरपालिकाको वडा नं. ५ का स्थानिय दीपक कुमार दुबेबिच सिंहदबार भित्र बिवाद भएको हो ।
सिँहदरवारमा रहेको नेपाली काँग्रेस संसदीय दलको चमेना गृहमा झगडा भएको हो ।

विवाद चकिदै जादा मेयर अजय प्रकाशले दीपक कुमार दुबेको करिब ३० सेकेन्डसम्म घाँटी थिचेको र त्यहाँ रहेका अन्य व्यतिले उनीहरुलाई छुट्याएको प्रत्यक्षदर्शीले बताएका छन ।

पुनः नेपाली काँग्रेस संसदीय दलको चमेना गृहमा फेरि दुवै पक्ष बिच पुनः भनाभन र हात हालाहाल भएपछि सिंहदरबारमा रहेका प्रहरी सुरक्षा गणको प्रहरी निरीक्षक टोलीले दुवै पक्षलाई नियन्त्रण लिई छलफलका लागि लागेका थिए ।

कटहरीया नपाका कर्मचारी सुरेन्द यादब र कबिर देवानले आफ्नो हात समातेको र मेयर अजय प्रकासले घाँटी थिचेको र केहिले उद्दार गरेको दुवे को भनाइ छ ।