सार्क क्षयरोग केन्द्रमा बेतिथिको चाङग, ढकाललाई टाइपिष्टबाट सिधै प्रथम श्रेणीमा बढुवा

न्यूज ब्यूरो, भक्तपुर । बागमति प्रदेशको भक्तपुरस्थित रहेको सार्क क्षयरोग तथा एचआईभी एडस केन्द्रमा माथिल्लो तहका कर्मचारीहरुले बितण्डा मच्चाएको देखिएको छ ।

माथिल्लो तहका कर्मचारीहरुले मोटो रकम लिएर गैर–कानुनी रुपमा कर्मचारीहरुलाई बढुवा गरिएको देखिएको छ । केही दिन अगाडी एक पियन (कार्यालय सहयोगी) बाट सिधै हाकिम बनाएको प्रकरणको बारेमा समाचार नसेलाउँदै अन्य एक कर्मचारीलाई गैर–कानुनी रुपमा पदोन्नती गरिएको पाईएको छ ।

सार्क क्षयरोग तथा एच.आई.भी÷एड्स केन्द्रमा कार्यरत मीना कुमारी ढकाल सिनियर पर्सनल एसिस्टेन्टको वढुवामा अनियमितता भएको पाइएको छ । मीनाकुमारी ढकाले सन् १९९४ मा क्षयरोग केन्द्रमा टाईपिष्ट पदमा नियूक्त भएकी थिईन । सोही पदमा उनले ४ बर्ष काम गरेकी थिईन । सन् १९९७ मा ढकाललाई टाईपिष्टबाट पर्सनल एसिस्टेन्टमा कुनै पनि नितिगत निर्णय बिना पदस्थापना गरिएको आन्तरिक कर्मचारीहरुको आरोप छ । उक्त पदस्थापनाको पत्रमा ढकाललाई प्रष्ट रुपमा टाईपिष्ट पद समानकै तलव स्केलमा काम गर्नको लागि निर्देशन दिएपनि उनले सिनियर पिएको तलब खाँदै आएको पाईएको छ ।

सन् १९९९ मा पहिलो पटक सार्क क्षेत्रिय संगठनहरुको लागि हार्मोनाइजेसन रुल लागु भएको बेला सो नियम अन्तर्गत केन्द्रका कर्मचारीहरुलाई पद अनुसार १ देखि ६ सम्म जि.एस.एस. GSS क्याटेगोरीमा वर्गिकरण गरेको थियो । सोही बर्गिकरण अन्तर्गत केही कर्मचारीहरुले आफ्नो नियुक्तिको पद भन्दा माथील्लो पद दाबी गरि कुनै पनि नितिगत निर्णय नगरिकन स्वत माथील्लो तलव भत्ता लिएको तथ्याँक छ ।

सोही नियमको फाईदा उठाउदै टाईपिस्ट मिनाकुमारी ढकालले टाईपिष्ट/पर्सनल एसिस्टेन्ट पद जि.एस.एस. क्याटेगोरी ३ (GSS III) मा परेपनि आफ्नो पद जि.एस.एस.३ लाई निकै चलाखी पूर्ण तरिकाले माथील्लो पद जि.एस.एस.२ (GSS II) मा बिना प्रमोसन प्रशासनको मिलोमतोमा कायम गरेको बताईन्छ । गत सन् १९९९ को सार्कको स्टेन्डिँग कमिटीबाट प्राप्त नयां तलब भत्ता प्राप्त गर्न सफल भएकी थिईन । तर उनीसंगै केन्द्रमा एकै पदमा नियूक्त र पदस्थापना भएको केन्द्रका अर्का कर्मचारीलाई बिगत २९ बर्ष सम्म पनि जि. एस. एस. ३ मा नै राखी अन्याय गरिकोे आरोप छ ।

यो समाचार पनि पढनुहोस्

सन् २००७ मा तत्कालिन केन्द्रको १६ औ गभर्निङ बोर्डको निर्णयलाई पुन अपव्याख्या गरि मिना कुमारी ढकालले सन् १९९४ देखि नै पर्सनल एसिस्टेन्टमा लामो समय देखी कार्य गरि राखेको भनि झुटो बिवरण पेश गरि पुनः जि.एस.एस. क्याटेगोरी १ मा स्वत सिनियर पर्सनल एसिस्टेन्टमा पदोनत्ती हुन सफल भएकी थिईन ।

यहां चाख लाग्दो बिषय के छ भने कुनै पनि नितिगत निर्णय बिना उनलाई वोधार्थको रुपमा सिनियर पद दिएर पदोन्नती गरेको पाईन्छ । आप्mनो हकमा बिगतमा लामो समय देखी झुटो बिवरण पेश गरि दुई दुई पटक सम्म पदोन्नती लिएकी ढकालमाथि अझै छानबिन भने गरिएको छ । यसमा माथिल्लो तहका कर्मचारीहरुले पूर्ण मिलान गरेको बताईएको छ ।

अस्वभाबिक रुपमा प्राप्त गरेको पद र पदोन्नत्तीको दुरुपयोग उनले बिभिन्न समयमा गरेकी आरोप कार्यरत कर्मचारीहरुले लगाएका छन् । सन् २००७ मा निज श्रीलंकाको कार्यक्रममा सपोटिंङ कर्मचारीको रुपमा काम गर्दा तत्कालीन श्रीलंकाको नेसनल टि.बी. सेन्टरका कर्मचारीहरुसंग नक्कली बिल बिजक मिलाउनको लागि दवाव दिएकी आरोप छ । उक्त कार्यको बिरोधमा तत्कालीन श्रीलंकाको नेसनल टि.बी. सेन्टरका डाइरेक्टर डा. निर्मल इडरसिंघेले लिखित रुपमा बिरोध स्वरुप भक्तपुरस्थित केन्द्रका डाईरेक्टर र सार्क सचिवालयमा पनि निवेदन दिएका थिए । सन् २००८ मा निज ४२ दिनको लागि अष्ट्र«ेलियाको भ्रमणमा गएर फर्केपछि बिदा मिलाउन उक्त समयमा बिरामी बिदा झुटो बिवरण पेश गरेको आरोप छ ।

मिना कुमारी ढकालको त्यस समयको बिदा मिलाउनको लागि हाजिर कपि नै हराएको भनेर रुजु समेत गरेको आरोप छ । उनले सन् २०१२ मा साउदी अरवको भ्रमणमा जांदा होस वा सन् २०२२ मा अष्ट्ेलिय भ्रमणमा जांदा पनि बिरामी बिदाको झुटो बिवरण पेश गरेको बताईन्छ । पर्सनल एसिस्टेन्टको हैसियतले बिगत २९ बर्षमा ढकालले सबै भन्दा धेरै पटक सार्क मुलुकहरुको भ्रमण गरि गैर–कानुनी आर्थिक लाभ लिएको आरोप छ ।

ढकालले आप्mनो पदको दुरुपयोग गरि अरु कर्मचारीहरुलाई मानसिक तथा कार्यगत शोषण समेत गरिरहेको बताईन्छ । कार्यालय समयमा उनले केन्द्रमा कार्यरत केही कार्यालय सहयोगीहरुलाई आप्mनो निजि कामदार जस्तै गरि बजार लगि रासन पानी, तरकारी र धारा बिजुली तथा टेलिफानका बिल तिर्नलाई प्रयोग गर्दै आएको बताईन्छ । उनले स्टोर इन्चार्जको हैसियतले कार्यलयको सामानहरु खरिद गर्दा पनि अनियमितता गरेको आरोप छ । कार्यलय सहयोगी कर्मचारीहरुले प्राप्त गर्ने लुगाभत्तामा पनि उनले अनियमितता गरेको भन्ने कर्मचारीहरुको गुनासो छ । उनले घरायसी कार्यको लागि कार्यालय समयमा कार्यालयको गाडी प्रयोग गर्ने गरेकी छिन् ।

यसरी तहगत रुपमा जि.एस.एस.३ बाट जि.एस.एस.२ मा वढुवा नभईकन एकै चोटी माथिल्लो जि.एस.एस. १ पदमा वढुवा भएको स्पष्ट देखिनाले उनले क्षयरोग केन्द्रको बढुवा सम्वन्धी नियमको उल्लंघन गरेकोे भन्दै केन्द्रको हार्मोनाइज रुल अनुसार उनको पदजि.एस.एस. १ बाट घटुवा गरि पुन जि.एस.एस.क्याटेगोरी ३ एसिस्टेन्ट तहमा झार्न पर्ने र उक्त अनियमितता कार्य गरि खाएको तलव सुविधालाई असुल उपर गरि कारवाही गर्नुपर्ने कर्मचारीहरुको माग छ ।

सोही क्रममा उक्त अनियमितता छानबिन गर्नको लागि केन्द्रका निर्देशकले हालसालै एक उच्च स्तरीय छानबिन कमिति गठन गरेका भन्दै कमिटीलाई काम सुरु गर्न नदिई उक्त कमितिका सभापती डा. प्रज्जवल प्याकुरेलले अनावश्यक बखेडा झिकेर कमिटी भंग गर्न सिफारिस गर्दा अनुसन्धानको काम ठप्प पारिएका बताईएको छ । क्षयरोग केन्द्रमा माथिल्लो केही माथिल्लो र अधिकार सम्पन्न कर्मचारीहरुको मिलोमत्तोमा अवैद्यानिक कार्य, पदोन्नतीलाई ढाकछोप गरी नियम अनुसार पाउने कर्मचारीसँग अन्याय भएको बताईएको छ ।