सर्लाही मलँगवाको घटनामा समाजिक सँजालमा अफवाह फैलाएको भन्दै एक युवक पक्राउ

न्यूज ब्यूरो, जनकपुरधाम । सर्लाहीको मलँगवामा फैलिएको सम्प्रादायिक मतभेदको क्रममा समाजिक सँजाल मार्फत अफवाह फैलाएको भन्दै एक युवकलाई पक्राउ गरिएको छ ।

नेपाल प्रहरीको साईबर ब्यूरोले सर्लाही जिल्लाको मलँगवा नगरपालिका वडा नं. ९ बस्ने शनि शर्मा नामक युवकलाई पक्राउ गरेको हो । मलँगवामा जारी दुई समुदायबीचको मतभेदको क्रममा शर्माले अफवाह फैलाउने गरी समाजिक सँजालमा पोष्टहरु गरेको आरोपमा साईबर ब्यूरोले मुद्दा चलाएको हो ।

शर्माले विभिन्न जातजाती र सम्प्रादायबीचको सु–मधुर सम्बन्धमा खलल पार्ने गरी भिडियो, तस्विरहरु सम्पादन गरी पोष्ट गरेको बताईएको छ । उनलाई ६ दिनको म्याद थप गरी अनुसन्धान प्रक्रियामा राखिएको हो ।

सर्लाहीको मलँगवा घटनामा केही अवैद्य वेभसाईट, अवैद्य मिडिया, सम्प्रादायिक मानसिकताका व्यक्तिहरुले अफवाह फैलाउँदै आएका छन् ।