'नेपाल मधेश कम्यूनिष्ट पार्टी' को घोषणा, ७ प्रदेश घटाएर ३ प्रदेश राख्ने एजेन्डा

न्यूज ब्यूरो, जनकपुरधाम । नेपालमा विभिन्न दलहरुमध्ये नेपाल मधेश कम्यूनिष्ट पार्टी समेत गठन भएको छ । जनकपुरधाममा केन्द्रीय कार्यालय रहने गरी नेमकपाको गठन भएको हो ।

तराई मधेशको २२ जिल्लालाई केन्द्रीत गरी सो पार्टी पूर्वमा झापादेखि पश्चिममा कञ्चनपुरसम्म सँगठन विस्तार गर्ने योजना राख्दै नेपालको ७ प्रदेश घटाएर मात्र ३ प्रदेशको एजेन्डा समेत अघि सारेका छन् । ुु

७ प्रदेश बनाएर देशको ढुकुटी सकाउँदै आर्थिक भार अधिक भएको भन्दै तराई, पहाड र हिमाल गरी मात्र तीन प्रदेश बनाउने एजेन्डा अघि सारेका छन् ।

तराई मधेशको २२ जिल्लाका उत्पीडित, सीमान्तकृत, दास प्रथाबाट पीडित, सामन्तवादबाट पीडित, साहुबाट पीडित, उत्पीडित जाती, भूगोल, समुदाय, वर्ग, लिँग क्षेत्रको लागि नेपाल मधेश कम्यूनिष्ट पार्टीको स्थापना भएको पार्टीका केन्द्रीय सँयोजक प्रमोद नारायण यादवले जानकारी दिए ।

यादवले एक प्रेस विज्ञप्ति जारी गर्दै देशका प्रधानमन्त्री स्वयँम कम्यूनिष्ट पार्टीबाट भएपनि विचारधाराभन्दा फरक काम गर्न थालेको तथा उल्टै सडकमा जनता उतार्ने जस्ता अभिव्यक्तिले राष्ट्रघात हुने ठहर गदैै यसको विरोधमा पार्टीले कदम चाल्ने जनाएको छ ।

गत असोज ४ र ५ गते जनकपुरमा भएको बैठकबाट सँयोजकमा यादवसहित सचिवमा दिवाकर शर्मा, प्रवक्तामा डा. लक्ष्मी ओलीसहित ३१ सदस्यीय प्रथम समिति चयन गरेको हो ।