पेट्रोल र ग्याँसको मूल्य बढयो

न्यूज ब्यूरो, जनकपुरधाम । नेपाल आयल निगमले पेट्रोलियम पदार्थको मूल्य बढाएको छ ।

निगमले बिहीबार विज्ञप्ति जारी गर्दै पेट्रोलियम पदार्थको मूल्यमा वृद्धि भएको जनाएको हो । केही दिन अगाडी मात्र पेट्रोलियम पदार्थको मूल्यवृद्धि गरेको निगमले विहिबार पुनः मूल्यवृद्धि गरेको हो ।

डिजेल र मट्टितेलमा प्रतिलिटर ३ रुपैयाँ, पेट्रोलमा प्रतिलिटर ४ र एलपी ग्यास प्रतिसिलिन्डर २३५ रुपैयाँ बढेको निगमले जारी गरेको विज्ञप्तीमा उल्लेख छ । नयाँ मूल्य सूची बिहीबार राती १२ बजेदेखि लागू भएको हो ।