सिरहा कर्जन्हा हत्या काण्ड : आरोपित दुई प्रहरी गिरफ्तमा

न्यूज ब्यूरो |
सिरहा, १४ बैशाख । झण्डै ३ हप्ता पछि सिरहा प्रहरीले हत्याकाण्डका दुई आरोपिलाई पक्राउ गरेको छ ।

सिरहा कर्जन्हा वडा नं. ७ मरेवा टोलका मुसहरु भन्ने सुपेन्द्र यादबको हत्यामा संलग्न दुई जनालाई प्रहरीले पक्राउ गरेर आइतवार सार्वजनिक गरेको हो ।

पक्राउ पर्नेमा बन्ठा भन्ने रामसेवक र जंगली भन्ने अन्जनी कुमार कुशवाहा रहेको जिल्ला प्रहरी कार्यालय सिरहाले जनाएको छ ।

सिरहाका प्रहरी प्रमुख एवम् प्रहरी उपरीक्षक जीवन कुमार श्रेष्ठका अनुसार, बन्ठा यस हत्याकाण्डका मुख्य योजनाकार रहेको खुलेको छ भने, जंगली धारिलो हतियार प्रहार गरी हत्या प्रारम्भिक अनुसन्धानबाट खुलेको छ ।

विगत लामो समयदेखि चल्दै आएको जातीय रिसवीका कारण सुपेन्द्रको हत्या गर्ने दुबै जनालाई पक्राउ गरी कर्तव्य ज्यान मुद्दा चलाएको उनले बताए ।

पक्राउ परेकाहरुको साथबाट हत्यामा प्रयोग गरिएको धारिलो हतियार र जंगलीले लगाएको रगत लागेको गम्छा बरामद भएको हो ।

यस्तो थियो घटना :

गत बैशाख २१ गते राती कर्जन्हा नगरपालिका ७ का ३८ वर्षिय मुसहरु भन्ने सोपिन्द्र यादवको हत्या भएको थियो । रातभर घर नआएपछि बैशाख २३ गते विहान खोज्दा यादव मृत अवस्थामा फेला परेको थियो ।

कर्जन्हा नगरपालिका ७ मा पर्ने मरेवामा सुत्ने घरभएपनि गोठ घर भन्दा एक किलोमिटर पश्चिममा रहेको थियो । शुक्रबार राति गाइभैसीलाई पराल लगाएर घर फर्किने क्रममा यादव माथि आक्रमणको आशंका प्रहरीले गरेको थियो ।

यता, जिल्ला प्रहरी कार्यालय सिरहाको अथक प्रयास र अनुसन्धानले दुवै आरोपितलाई पक्राउ गर्न सफल भएको छ ।

सम्बन्धित समाचार पढ्नुहोस् ।

सिरहाको कर्जन्हामा एक युवकको निर्मम हत्या !