विष्णुपुर गाउँपालिकामा लेखापाल र  अपरेटर ५ लाख घुससहित रँगेहात पक्राउ

न्यूज ब्यूरो, राजविराज । सेवाग्राहीसँग काम वापत घुस लिदै गर्दा लेखापाल र एमआईएस अपरेटर रँगेहात पक्राउ परेका छन् ।

सप्तरी जिल्लाको विष्णुपुर गाउँपालिकाका लेखापाल (अकाउन्टेन्ट) टेक नारायण यादव र एमआईएस अपरेटर बीरेन्द्र कुमार यादवलाई घुससहित पक्राउ गरिएको हो ।

सोलार बत्ति जडान लगायत अन्य योजनाको काम गरिदिएवापत सेवाग्राहीसँग घुस रिसवत मागेको उजुरीको आधारमा अख्तियार दुरुपयोग अनुसन्धान आयोग इटहरी शाखाबाट खटेको टोलीले यादवद्धयलाई घुससहित रँगेहात्त पक्राउ गरेको हो ।

लेखापाल टेक नारायण यादव र अपरेटर विरेन्द्र कुमार यादवलाई सेवाग्राहीबाट नगद २ लाख रुपैयाँ नगद र ३ लाख रुपैयाँ बराबरको बैँक चेकसहित राजविराज नगरपालिका वडा नं. ३ त्रिभुवनचोकबाट उनीहरुलाई पक्राउ गरिएको हो ।

दुवै जनालाई नियन्त्रणमा लिएर अख्तियार दुरुपयोग अनुसन्धान आयोगको शाखा इटहरीमा लगिएको हो ।