नीजि शिक्षालय सम्बन्धी सरकारको विद्येयकप्रति विरोध जनाउँदै जनकनन्दिनीमा बुझाईयो ज्ञापन

न्यूज ब्यूरो, जनकपुरधाम । सरकारले विद्यालय शिक्षा विधेयक संसदमा दर्ता गर्ने निर्णयविरुद्ध नीजि विद्यालयका सँचालकहरुले विरोध जनाएका छन् ।

सो विधेयक परिमार्जन गरेर मात्र संसदमा पेश गर्नुपर्ने भन्दै धनुषाको जनकनन्दिनी गाउँपालिकामा समेत नीजि विद्यालय सँचालकहरुले ज्ञापन पत्र बुझाएको छ । जनकनन्दिनी गाउँपालिकाका प्रमुख प्रशासकीय अधिकृत अयोधी दास र गाउँपालिका उपाध्यक्ष कमला सहगल मार्फत सरकारलाई विहिबार नीजि विद्यालय सँचालकहरुले ज्ञापन पत्र बुझाएको हो ।

गत साउन १६ गते बसेको मन्त्रिपरिषद बैठकले विद्यालय शिक्षा विधेयक संसदमा पेश गर्ने निर्णय गरे लगत्तै नीजि विद्यालयको हकाअधिकारमाथि अँकुश र अन्याय गर्न खोजेको भन्दै प्याबसनमा आवद्ध सदस्यहरुसहित जनकनन्दिनी गाउँपालिकाभित्र सँचालनमा रहेको बोर्डिँग स्कूलका सँचालकहरुले विद्येयकको विरोधमा अधिकृतलाई ज्ञापन पत्र बुझाएको हो ।

सरकारले विद्यालय शिक्षा सम्बन्धी कानुनलाई संशोधन र एकीकरण गर्न बनेको विधेयक संसदमा पेश गर्ने तयारी गरेपछि नीजि विद्यालयका शिक्षकहरु विरोध जनाएका छन् । नीजि विद्यालय सँचालकहरुले विद्येयकप्रति विरोध जनाउँदै परिमार्जन गर्न माग गरेका छन् ।

सोही क्रममा धनुषाको जनकनन्दिनी गाउँपालिकाभित्र रहेको नीजि विद्यालयका सँचालकहरुले देशव्यापी आन्दोलनको घोषणा स्वरुप ज्ञापन पत्र बुझाएको हो ।

जनकनन्दिनी गाउँपालिका वडा नं. ४ खजुरी रेल्वे स्टेशनस्थित रहेको न्यू लाईफ भिजन आवासीय माध्यमिक विद्यालयका सँचालक सुजित कुमार यादवको अगुवाईमा ज्ञापन पत्र बुझाईएको हो ।