जनकपुरः खोल तर्ने क्रममा एक युवकलाई बाढीले बगाउँदा मृत्यू

न्यूज ब्यूरो, जनकपुरधाम । खोलामा आएको बाढीमा बगाएर एक युवकको मृत्यू भएको छ । धनुषाको मिथिला नगरपालिका वडा नं. २ आनन्दपुरस्थित खोलामा बगेर स्थानीय एक युवकको मृत्यू भएको हो ।

स्थानीय १७ वर्षीय अजय यादवको आज ११ बजे बाढीले बगाउँदा मृत्यु भएको प्रहरीले जानकारी दिएको छ ।

घर नजिकै रहेको बसही खोला तर्ने क्रममा अचानक आएको बाढीले बगाउँदा यादवको मृत्यु भएको इलाका प्रहरी कार्यालय महेन्द्रनगरका प्रहरी निरीक्षक दिपक कार्कीले बताए ।

स्थानीयको सहयोगमा सुरक्षाकर्मीले उद्धार गरी महेन्द्रनगरस्थित अस्पतालमा पु¥याएको भए पनि गम्भीर अवस्थाका यादवको उपचारको क्रममा मृत्यु भएको उनले जानकारी दिए । शव पोष्टमार्टमका लागि प्रादेशिक अस्पताल जनकपुरधाम पठाइएको प्रहरीले जानकारी दिएको छ ।

अहिले कमला नदीसहित आसपासका नदीहरुमा समेत पानीको उच्च बहाब बढेपछि प्रशासनले सतर्कता अपनाउन आग्रह गरेको हो ।