जनकनन्दिनी गाउँपालिकाको पशु चौपायालाई धमाधम दिइदै लम्पीस्कीन विरुद्धको खोप

न्यूज ब्यूरो, जनकपुरधाम । पूर्वी धनुषाको विभिन्न स्थानीय तहहरुमध्ये जनकनन्दिनी गाउँपालिकामा लम्पीस्कीन विरुद्धको खोप तीव्र पारिएको छ ।

पशु चौपायामा महामारीझैँ देखिएको लम्पीस्कीन नामक रोगको प्रकोप बढ्न थालेपछि जनकनन्दिनी गाउँपालिकाले ६ वटै वडाका पशुचौपायाहरुलाई धमाधम खोप सुरु गरेको हो ।

जनकनन्दिनी गाउँपालिकाका अध्यक्ष दिपिनदेव यादवले गाउँपालिकाको ६ वटै वडामा तीव्र तथ्याँक सँकलन गरी सोही अनुसार पशु चौपायाहरुलाई ईन्जेक्सन सुरु गरेको हो । अध्यक्ष यादव र उपाध्यक्ष कमला सहगलले गाउँपालिकाका पशु क्षेत्रका कर्मचारीहरुलाई तीन दिनभित्र तथ्याँकन सँकलन गरी खोप यथाशिघ्र सँचालनको लागि निर्देशन दिएका थिए ।

कर्मचारीहरुले ६ वटै वडाको विभिन्न वस्तीको घर घर पुगेर लम्पीस्कीनको सँक्रमण भएको पशु, सँक्रमणको लक्षण देखिएको पशु तथा सँक्रमित पशुचौपायको सँगै शंकास्पद पशुहरुको तथ्याँक सँकलन गरी आजदेखि धमाधम खोप सुरु गरेको गाउँपालिका अध्यक्ष दिपिनदेव यादवले बताए ।

यादवका अनुसार, गाउँपालिकाको ६ वटै वडाको विभिन्न वस्तीमा रहेको सँशाकीत पशुचौपायाहरुलाई समेत गरी ३६०० भाईल खोप उपलब्ध गराएको हो । वस्ती वस्तीमा पशु चिकित्सक पुगेर खोप लगाउने कार्यलाई तिव्रता दिएको उनले थपे ।

गाउँपालिका उपाध्यक्ष सहगलले छ वटै वडाका वडाअध्यक्ष, सदस्यहरुसहित स्थानीय कर्मचारीसँग ईमरजेन्सी छलफल र समन्वय गरी आपतकालिन रुपमै खोप सँचालन गर्न निर्देश गरेकी थिइन् ।

उनले भने, –“हामीले ४०० जति भाईल प्रदेश सरकारबाट प्राप्त गरेका छौँ, र बाँकी ३२०० भाईल खोप गाउँपालिकाबाटै खरिद गरेका छौँ । तीन चारदिनमा गाउँपालिकाभरिको आवश्यक पशुचौपायालाई खोप लगाउने कार्य पुरा गर्ने लक्ष्य लिएका छौँ । हामीले स्थानीय सरकारको हैसियतबाट समयमै यसको विरुद्ध औषधी उपचारको व्यवस्था गरी सकेसम्म पशुचौपायालाई यस महामारी रोगबाट बचाउने प्रयासरत छौँ ।”

लम्पीस्कीन रोगको कारण देशभरिबाट एक लाख बढी पशुचौपायाको मृत्यू भईसकेको तथ्याँक छ । मधेश प्रदेशको विभिन्न जिल्लामा समेत महामारी झैँ लम्पीस्कीन रोगको सँक्रमण फैलिन थालेपछि धनुषामा जनकनन्दिनी गाउँपालिकाले यस विरुद्ध लडाई सुरु गरेको हो ।

सोही क्रममा आसपासका स्थानीय तहहरुले भने लम्पीस्कीनको खोप विरुद्ध छलफल समेत सुरु गर्न सकेका छैनन् । लम्पीस्कीनको कारण पशु चौपायामा झन सँक्रमण फैलिदै गएको छ । गाउँपालिकामा आवश्यकता अनुसार विभिन्न वस्तीमा चिकित्सकको टीम कार्य गरिरहेको छ ।