जनकपुरको जानकी मन्दिर, राम मन्दिर, बाह्रविघा लगायतका ठाउँमा मोहरमको जुलुस निकाल्न नदिइने

न्यूज ब्यूरो, जनकपुरधाम । हनुमान जयन्ती र राम नवमीमा मुस्लिमहरुको मस्जिद तर्फ हिन्दुहरुलाई प्रवेश निषेध गरिएपछि हिन्दु सँघसँगठनले समेत मुस्लिमहरुको मोहरम पर्वमा विभिन्न मठ मन्दिर लगायतको ठाउँमा जुलुस निकाल्न नदिने भएको छ ।

जनकपुरमा राम नवमीको दिन हिन्दु सम्राट सेना, विश्व हिन्दु परिषद् लगायतका धर्म सँस्थाहरुले निकालेको शोभायात्रा, कलश यात्रामा मुस्लिमहरुले अवरोध गरेको भन्दै मुस्लिमहरुको मोहरममा समेत प्रशासनलाई धार्मिक स्थानहरुमा रोक लगाउन माग गरिएको छ ।

मुस्लिमहरुलाई मोहरमकोदिन जनकपुरधामको जानकी मन्दिर, राम मन्दिर र रंगभुमि मैदान लगायत विभिन्न मठ मन्दिरको अगाडीबाट जुलुस निकाल्न नदिन माग गरेका छन्।

हिन्दु सम्राट सेना नेपाल लगायत विभिन्न धार्मिक संघ संगठनहरुले संयुक्त रुपमा जिल्ला प्रशासन कार्यालय धनुषालाइ ज्ञापन पत्र बुझाएका छन । जनकपुरधाम उप महानगरपालिका , मधेशी आयोग लगायतका कार्यालयहरुमा समेत हिन्दु सम्राट सेनाले ज्ञापन पत्र बुझाएका छन् ।

हिन्दु सम्राट सेना नेपालसंगै विभिन्न मठ मन्दिरका महन्थहरुले जान्की मन्दिरमा बैठकगरी ज्ञापन पत्र बुझाएका छन ।

“विगतका दिनमा हिन्दुहरुले जनकपुरधाममा हनुमान जयन्तिको उपल्क्षयमा निकालिएको शोभा यात्रामा मुस्लिम समुदायले विभिन्न स्थानमा अबरुद्ध गरेको र प्रहरी प्रशासनले समेत विभिन्न बहाना बनाई जानकी मन्दिरको परिक्रममा समेत गर्न दिएका थिएन । जिल्ला प्रशासन कार्यालयले सर्वदलिय बैठक गरि दुवैपक्षलाइ कसैले कसैको मठ मन्दिर,मस्जिदको अगाडीबाट नारा जुलुस नगर्ने साथ साथै हाथ हथियारको प्रयोग समेत नगर्ने भनी सम्झौता गरि मेलमिलाप गरेका थिए त्यहि कुरा लागुहोस भन्नि स्मरण गराउनकोलागि ज्ञापन पत्र बुझाको उलेख गरिएको छ ।

सर्वदलिय बैठकमा उलेख भएअनुसारको नियम पालना भएन भन्ने त्यसदिन हुनै हरेक घटनाको जिम्मा जिल्ला प्रशासन कार्यालयले लिने समेत उलेख गरिएको छ ।