बारा २ का प्रत्यासी उम्मेदवार शिवचन्द्र कुशवाहा जनमतबाट निष्कासित

न्यूज ब्यूरो, बारा । बारा निर्वाचन क्षेत्र नं. २ को उपनिर्वाचनमा माईका लालको नामले चिनिएका तत्कालिन जनमत पार्टीका प्रत्यासी उम्मेदवार शिवचन्द्र कुशवाहालाई पार्टीबाट निकालिएको छ ।

जनमत पार्टीको केन्द्रीय समितिले पार्टीहित विपरित काम गरेको भन्दै शिवचन्द्र कुशवाहासहित अन्य ४ जनालाई पार्टीबाट निलम्बन गरिएको हो । कुशवाहालाई साधारण सदस्य समेत नरहने गरी निष्कासित गरिएको हो ।

जनमत पार्टीको केन्द्रीय समितिले अनुशान कारवाहीको तहत अनुशासनहिन प्रदर्शन, पार्टीको नेतृत्वको विरोधमा गतिविधि गरेको भन्दै उनलाई पार्टीको साधारण सदस्य समेत नरहने गरी निष्कासन गरिएको हो ।

कुशावाहाको साथै सप्तरीका गुलाब मण्डललाई १ बर्षको लागि निलम्बन गरिएको हो । विद्यालय व्यवस्थापन समिति गठनमा अवरोध गरेको भन्दै शँकर खडकालाई समेत १ बर्षको लागि निलम्बन गरिएको हो । सोही पार्टीका भोपेन्द्र यादव र भगवान दासलाई समेत निलम्बन गरिएको हो । यादवलाई सचिवालयबाट समेत ३ महिनाको लागि निलम्बन गरिएको हो भने दासलाई १ बर्षको लागि सदस्यबाट समेत निलम्बन गरिएको हो ।

उनीहरुको आचरण र गतिविधिमा सुधार भए कारवाही फुकुवा गरिने समेत जनाइएको छ ।