निलम्बित वडाध्यक्षलाई एमालले भित्र्याएपछि एमालेका नगर अध्यक्षले गरे पार्टी परित्याग

न्यूज ब्यूरो, जनकपुरधाम । नेकपा एमाललेले निलम्बित वडाध्यक्षलाई पार्टीमा ल्याएपछि एमालेका एक नेताले पदबाट राजीनामा ठोकेका छन् ।

शहिदनगर नगरपालिका वडा नं. ८ मा नेपाल कम्यूनिष्ट पार्टी माओवादी (केन्द्र) बाट निर्वाचित भई हाल भ्रष्टाचार मुद्दामा निलम्बित भएका तनुकलाल कुसियैतलाई एमालेले गोद लिएपछि एमालेका नेता सिँगेश्वर यादवले राजीनामा दिएका छन् ।

विभिन्न समयमा माओवादीमै हुँदा अन्तरघात, पार्टीको नाम भँजाउन, जधन्य अपराधमा सँलग्न, भ्रष्टाचार मुद्दा लागेको व्यक्तिलाई पार्टीमा भित्र्याउनु सँगठनको लागि अशुभ भएको भन्दै उनले राजीनामा दिएका हुन् ।

यस्ता व्यक्तिहरुलाई टाढै राख्न पटक पटक आफू पार्टीमा आवाज उठाएपनि पार्टीको धनुषा कार्य समितिले आफूखुसी गुण्डा पालेर अनैतिक कार्यहरु गर्न थालेको भन्दै यादवले एमालेको नगर कमिटि अध्यक्ष पदबाट राजीनामा दिएका हुन् ।