जनकपुरको विद्यालयहरुमा गर्मी विदा थपियो, अब कहिलेदेखि खुल्छ ?

न्यूज ब्यूरो, जनकपुरधाम । जनकपुर लगायत तराई मधेशको जिल्लाहरुमा अत्यधिक गर्मी बढेपछि विद्यालयमा गर्मी विदा दिइएको छ ।

जनकपुरधाम उपमहानगरपालिकाले यसअघि २९ गतेदेखि विद्यालय सँचालन हुने भनेकोमा गर्मी अत्यधिक बढदै जाँदा पुनः तीन दिनको विदा थप गरेको हो ।

जनकपुरधाम उपमहानगरपालिकाको शिक्षा शाखाले जारी गरेको सूचनामा वर्तमान मौसमलाई मध्यनजर गर्दै जनकपुरधामभित्रको सबै विद्यालयहरु जेठ ३० गतेसम्म बन्द रहने भएको छ । जेठ ३१ गतेदेखि विद्यालय खोलिने उल्लेख छ ।

यद्यपी, मौसमको पारा उस्तै रहे विद्यालय बन्दको निरन्तरतालाई जारी राख्ने सँकेत देखिएको छ । धनुषाको सबै विद्यालयहरु अहिले बन्द रहेको छ ।