सँकटमोचन प्रकरणः पक्राउ परेका तीनै जनालाई तारेखमा रिहा गर्ने सहमति

न्यूज ब्यूरो, जनकपुरधाम । जनकपुरको सँकटमोचन विद्यालयमा शिक्षक कुटपिट गरेको प्रकरणमा पक्राउ परेका दुई महिलासहित एक पुरुषलाई रिहा गर्ने सहमति भएको छ ।

आईतबार अपरान्ह पक्राउ परेका लक्ष्मी साह, पूजा मण्डल र पँकज झा नामक तीनै व्यक्तिलाई तारेखमा रिहा गर्ने तयारी गरिएको जनाइएको छ ।

जिल्ला प्रहरी कार्यालय धनुषाका अनुसार, अभद्र व्यवहार मुद्दा चलाइएकोमा उनीहरुलाई तारेखमा रिहा गर्ने भएको छ ।

केही दिन अगाडी सँकटमोचन स्कूलमा पसेर एक शिक्षकमाथि दुरव्यवहार, कुटपिट गरेको आरोपमा तीनै जनालाई पक्राउ गरिएको थियो । उनीहरु रिहा भएपनि उनीहरुलाई तारेख लिनुपर्ने भएको छ ।

मुद्दा अनुसन्धानमै रहेको बेला उनीहरुलाई तारेखमा रिहा गर्ने भएको छ । पक्राउ परेका तीनै जना हिन्दु सम्राट सेना नामक समूहका कार्यकर्ताहरु रहेको बताईएको छ ।