जनकनन्दिनी गाउँपालिकाभित्रको सबै विद्यालयहरु ९ दिनको लागि बन्द

न्यूज ब्यूरो, जनकपुरधाम । धनुषाको जनकनन्दिनी गाउँपालिकाले आगामी ९ दिनको लागि विद्यालयहरु बन्द गर्ने निर्णय गरेको छ ।

तराई मधेशमा बढेको अत्यधिक गर्मीको कारण बालबालिकाहरुमा नाकारात्मक प्रभाव पर्न थालेपछि २१ गतेदेखि ९ दिनसम्म विद्यालय बन्दको निर्णय गरिएको हो ।

गाउँपालिका अध्यक्ष दिपिन देव यादवले वर्तमान मौसम र परिस्थितिलाई मध्यनजर गर्दै आगामी २९ गतेसम्म गाउँपालिकाभित्रको सबै समुदायिक तथा सँस्थागत विद्यालयहरु बन्दको निर्णय गरिएको हो ।

आगामी जेठ ३० गतेदेखि मात्र विद्यालयहरु सँचालनमा आउने अध्यक्ष यादवले जानकारी दिए । मौसम ४३ डिग्रीसम्मको तापक्रम बोकेपछि अकस्मात विद्यालय बन्दको घोषणा गर्नुपरेको यादवले बताए ।