शहिदनगरमा जेष्ठ नागरिक सम्मान भनेर सिकिस्तलाई अपमान, चौतर्फी आलोचना

धनुषा । धनुषाको शहिदनगर नगरपालिकामा जेष्ठ नागरिकलाई सम्मान भनेर बोलाईएको सभामा अपमानित दृश्य देखियो । जहाँ, एक सिकिस्त महिलाबाट जबरदस्ती औठाछाप लिइरहेको देखिएको छ ।

शनिबार शहिदनगर नगरपालिकाले आयोजना गरेको जेष्ठ नागरिक सम्मान कार्यक्रममा ८० बर्ष माथिका वृद्धवृद्धाहरुलाई बोलाएर सम्मान गरिएको भनिएको कार्यक्रममा एक तस्विरले वास्तविकता दर्साएको आरोप समाजिक सँजालबाट लगाइएको छ ।

शनिबार शहिदनगर नगरपालिकाका नगर प्रमुख दिनेश प्रसाद यादवले जेष्ठ नागरिकहरुलाई सम्मान गरिरहँदा सोही नगरपालिकाका एक कर्मचारीले एक असक्त महिलासँग जबरदस्ती औँठाछाप लिरहेको दृश्य समाजिक सँजालमा भाईरल गरिएको छ ।

उपमेयर सुनिता सिँह र विभिन्न वडाका वडाध्यक्ष तथा कर्मचारीहरु समेत सम्मलित सो समारोहको क्रममा शहिदनगर नगरपालिकाको आईएमएस अपरेटर दिलिप कुमार महराले एक अति सिकिस्त विरामीसँग औँठा छाप लिरहेको देखिएको छ । सो तस्विर एक जनाले आफ्नो मोबाईलमा कैद गरेको छ ।

जेष्ठ नागरिक सम्मानको लागि रजिष्टरमा कागजी प्रक्रिया र सँख्या पुरयाउनको लागि कर्मचारी महराले जेष्ठ नागरिकको नाउँमा एक सिकिस्त विरामी महिलाको औँठाछाप लिरहेको तस्विरहरु समाजिक सँजालमा राखेर स्थानीयहरुले विरोध जनाएका छन् ।

सो क्रममा नेपाली काँग्रेसका युवा नेता शैलेन्द्र चोरवारले फोटो राखेर यो जेष्ठ नागरिकको सम्मान हो की अपमान रु भनेर पोष्टयाएका छन् । उनीसहित दर्जन बढी जनाले समाजिक सँजालमा मार्फत विरोध जनाएका छ ।