सिरहाः एक पूर्व वडाध्यक्ष पक्राउ, तरुण दलले चक्का जाम गर्ने

न्यूज ब्यूरो, सिरहा । सिरहास्थित एक स्थानीय तहको वडाकार्यालयको शीलालेख तोडफोड आरोपमा एक पूर्व वडाध्यक्ष पक्राउ परेका छन् ।

सिरहा जिल्लाको नरहा गाउँपालिका वडा नं. २ स्थित निर्माण भएको वडा कार्यालयको शीलालेख तोडफोड गरेको आरोपमा सोही वडाका पूर्व वडाध्यक्ष ज्ञानदिप दनुवार र सोही स्थान बस्ने श्याम सिँह दनुवार शिलालेख तोडफोड गरेको बिषयमा पक्राउ परेका छन् ।

जिल्ला प्रहरी कार्यालय सिरहाका प्रवक्ता रविन्द्र राज पाण्डेका अनुसार, पूर्व वडाध्यक्ष दनुवार र अन्य एक जना पक्राउ परेका छन् । वर्तमान वडाध्यक्षले शीलालेखमा जग्गादाताको नाम नराखेको भन्दै शीलालेख तोडफोडको चेताववदी दिएका थिए ।

यता, नेपाली काँग्रेसको भातृ सँगठन तरुण दल सिरहाले पूर्वपश्चिम राजमार्ग अन्तर्गत चोहर्बाचोकमा चक्काजाम गर्ने जानकारी दिएको छ ।