जनकपुरः बकरी चोर पक्राउ

न्यूज ब्यूरो, जनकपुरधाम । धनुषा प्रहरीले एक बाख्राचोर (बकरीचोर) लाई पक्राउ गरेको छ । उनलाई चोरीको बाख्रासहित पक्राउ गरिएको हो ।

जिल्ला प्रहरी कार्यालय धनुषाले जनकपुरधाम उपमहानगरपालिका वडा न. १६ कपिलेश्वर बासिन्दाको बाख्रा चोरी भएको सूचना पाएपछि खोजबिन गर्दै जाँदा एक जना पुरुषलाई बाख्रासहित पक्राउ गरिएको हो ।

गत शनिबार धनुषाको मिथिलाबिहारी नगरपालिका वडा नं. ८ स्थितबाट कपिलेश्वर बस्ने रामलाल साहले ५ वटा बाख्रा चोरी भएको जानकारी प्रहरीलाई गराएको थियो । जानकारी पाए लगत्तै ईलाका प्रहरी कार्यालय धनुषाधामबाट खटि गएको टोलीले आईतबार बिहान ४ः०० बजेको समयमा मिथिलाबिहारी नगरपालिका वडा नं. १ स्थित ४ बाख्रासहित पुरुष पक्राउ परेका हुन् ।

पक्राउ पर्नेमा धनुषाधाम नगरपालिका वडा नं. ५ नौयसविघा बस्ने वर्ष ६८ को ताहिर राईन रहेका छन् । उनले सार्वजनिक बाटोमा डोर्यायई लादै गरेको अवस्थामा फेला परेकोमा स्थानीय मानिस तथा जनप्रतिनिधिहरुको रोहवरमा बरामद गरी ताहिर राईनलाई बरामद भएको बाख्रा सहित नियन्त्रणमा लिई ईलाक प्रहरी कार्यालय धनुषाधाममा राखिएको छ ।

राईनलाई चोरी सम्बन्धी कसुर मुद्दामा सम्मानित धनुषा जिल्ला अदालतबाट दिन ७ म्यदा अनुमति लिई थप अनुसन्धान कार्य भई रहेको जिप्रका धनुषाले जनाएको छ ।