सिरहाको गोलबजारमा युवकमाथि भालुले गरे आक्रमण

न्यूज ब्यूरो, सिरहा । सिरहामा भालुको आक्रमणमा परी एक युवक घाईते भएका छन् । विहिबार दिउँसो ४ बजेको समयमा उनीमाथि जँगली भालुले आक्रमण गरेको हो ।

गोलबजार नगरपालिका वडा नं. १० स्थित रहेको चुरे चौफाल समुदायिक वनमा घाँस काट्न गएको बेला स्थानीय २८ बर्षिय खिलराज सुनुवारमाथि भालुले आक्रमण गरेको हो ।

भालुको आक्रमणबाट उनको दुवै हात र अनुहारमा घाउ लागेको छ । भालुको नँगले हात र अनुहारको छाला गहिरोसम्म काटिएको छ । भालुको आक्रमणमा परेको खवर पाए लगत्तै ईलाका प्रहरी कार्यालय गोलबजारबाट खटि गएको टोलीले सुनुवारलाई उद्धार गरी अस्पताल पुरयाएको हो ।

उनलको अहिले गोलबजार स्थित एक क्लीनिकमा उपचार भईरहेको जिल्ला प्रहरी कार्यालय सिरहाले जनाएको छ ।