टाउको छिनाएको अवस्थामा युवकको लास

न्यूज ब्यूरो, सर्लाही । सर्लाहीमा एक युवकको टाउको छिनाएको अवस्थामा शव फेला परेको प्रहरीले जनाएको छ ।

बुधबार साँझ सर्लाहीको हरिपुर्वा नगरपालिका–१ पथरा पुलभन्दा ५०० मिटर पुर्व मसलाको रूख भएको झाडिमा भारतीय युवकको शव फेला परेको जिल्ला प्रहरी कार्यालय सर्लाहीले जनाएको छ ।

शव भारतको बिहार राज्य जिल्ला सितामढी ग्रामपञ्चायत सोनबरसा–९ बस्ने २८ वर्षीय शेखर सुमन उर्फ सिकुको रहेको जिल्ला प्रहरी कार्यालय सर्लाहीका प्रहरी प्रवक्ता प्रहरी नायव उपरीक्षक कैलाश राईले बताए ।

प्रहरीले शव प्रादेशिक अस्पताल मलंगवा सर्लाहीमा ल्याई यस सम्बन्धमा थप अनुसन्धान भइरहेको जिल्ला प्रहरी कार्यालय सर्लाहीले जनाएको छ।