मधेश प्रदेशः गढीमाईमा चल्यो गोली, एकको मृत्यू, तीन गम्भिर !

न्यूज ब्यूरो, रौतहट । मधेश प्रदेशको रौतहटमा गोली चल्दा एक जनाको मृत्यू भएको छ भने तीन जना गम्भिर घाईते भएका छन् ।

शनिबार जग्गाको विषयमा भएको विवादले उग्र रुप लिँदा गोली चलेपछि एकजनाको मृत्यु भएको हो ।

रौतहटको गढीमाई नगरपालिका वडा नं. ८ धोबिनियामा जग्गासम्बन्धी विवादका क्रममा दुई पक्षबीच झडप हुँदा गोली चल्दा एकजनाको मृत्यु भएको छ भने अन्य तिनजना घाइते भएका छन् ।

जिल्ला प्रहरी कार्यालय रौतहटका प्रमुख उपरीक्षक वीरबहादुर बुढामगरकाअनुसार गोली लागेर स्थानीय राजकुमार राय यादव रहेका छन् ।

विवादका क्रममा गोली लागेपछि उनलाई थप उपचारका लागि वीरगञ्ज ल्याइरहेको क्रममा बाटोमै मृत्यु भएको प्रहरी उपरीक्षक बुढामगरले जानकारी दिए । गोली लागेर स्थानीय रामप्रताप यादव, कपिलदेव राय यादव र निरञ्जन यादव घाइते भएका छन् । उनीहरुको विभिन्न अस्पतालमा उपचार चलिरहेको छ ।

नगरपालिकाले निर्माण गरिरहेको बाटोका विषयमा विवाद हुँदा १२ बोरको बन्दुक बाट गोली प्रहार भएको बुढामगरले बताए । गोली कसले चलायो भन्ने खुलेको छैन ।

प्रहरीले घटनामा संलग्न रहेको आशंकामा ५ जनालाई नियन्त्रणमा लिएको छ । घटनामा प्रयोग भएको १२ बोरको हतियार पनि बरामद गरिएको र र घटनाको अनुसन्धानका लागि इलाका प्रहरी कार्यालय गरुडाबाट डीएसपीको टोली पठाइएको बुढामारले बताए ।