नेकाँले गरे भारतीय साँसद आजादलाई कारवाहीको माग

न्यूज ब्यूरो |
जनकपुरधाम, ३१ बैशाख । भारतीय साँसद कीर्ति आजादले गरेको ट्वीटको विरोध गर्दै उनीमाथि कारवाहीको माँग गरिएको छ ।

नेपाली काँग्रेस जिल्ला कार्य समिति धनुषाले विजेपी साँसद किर्ती आजादले ग्रेटर नेपालको बारेमा गरेको टवीटप्रति आपत्ती जनाउँदै कारवाहीको लागि माग गरेको छ ।

पार्टीले पत्रकार सम्मेलन गरी मुलुकलाई टुक्र्याउने खालको बिहारको दरभंगाबाट निर्वाचित साँसद आजादले गरेको टुवीट आपतिजनक रहेको भन्दै उनीमािथ कारवाहीको माँग गरेको छ ।

नेपाली काँग्रेस धनुषाका सभापति एवं संसदीय दलका नेता रामसरोज यादवले कीर्ति आजादले नेपालको सन्दर्भमा गरेको ट्वीटबाट उनी नेपालको दुश्मन रहेको स्पष्ट देखिएकोले सोको विरोध गर्न सबैमा अपील पनि गरेका हुन् ।

साँसद आजादले ‘आदरणीय नरेन्द्र मोदी जी जनकपुरधाम, मिथिला की राजधानी में आपका स्वागत है । दो सौ साल पहले अँग्रेजो और नेपाल के बीच हुई सन्धि जिसमें मैथिला के भाग को नेपाल को दिया गया समाप्त हो गया है । अनुरोध है इसे वापस लें और माँ का आदर करते हुए मिथिला राज्य का गठन करे ।’ ट्वीट गरेका छन् ।

संसदीय नेता यादवले आजादको यो ट्वीट मुलुकमा द्वन्द फैलाउने जस्तो रहेकोले भारत सरकारसँग कारवाहीको मांग पनि गरेका छन् ।