जनकपुरः बैशाखको प्रचण्ड गर्मीमा वृद्धवृद्धालाई न्यानो फाईबरको सिरक वितरण

न्यूज ब्यूरो, जनकपुरधाम । मधेश प्रदेशको धनुषा जिल्लास्थित एक स्थानीय तहमा बैशाखको गर्मीको बेला फाईबर सिरक वितरण गरेका छन् ।

दक्षिणी धनुषाको नगराईन नगरपालिकाले समाजिक सुरक्षा भत्ता पाउने जेष्ठ नागरिकहरुलाई न्यानो फाईबरको सिरक वितरण गरेको हो ।

नगराईन नगरपालिकाको वडा नं. ४ स्थित शुक्रबार वडाध्यक्षले जेष्ठ नागरिक, एकल महिला, अपाँता भएका व्यक्तिहरुलाई फाईबरको सिरक वितरण गरेका हुन् । बजेट ल्याउन ढिलाई भएपछि चिसोको मौसममा वितरण हुन नसक्दा आगामी शितलहरको लागि काम लाग्ने बताइएको छ ।

वडाध्यक्षले अहिले दिने गरेको सिरक आगामी बर्ष समयमै काम लाग्ने बताएका छन् ।